٩ برامج تلفزيونية كانت جزء من طفولة كل لبناني

رح نأرجيكن اليوم ٩ برامج تلفزيونية كانت جزء من طفولة كل لبناني. هالبرامج غيرت حياتنا وخلقت فينا ذكريات حلوة. رح ناخدكن برحلة للماضي لنتذكر من جديد هالأعمال التلفزيونية اللي عشقناها وخلت بقلوبنا بصمة. مشوا معنا ب هالجولة الحلوة لي فيها رح نرجع نتذكر طفولتنا ونفرحكن بأحلى شي صار عالتلفزيون اللبناني بس كنا زغار.

١. عشرة زغار – (قررنا نحذف المصطلح العنصري)

واحد من أحلى مسلسلات الأكشن لي أنتجت بلبنان سنة ١٩٧٥، كان بالنسبة للجمهور اللبناني ثورة بعالم المسلسلات. هوي نسخة لبنانية عن كتاب الكاتبة الشهيرة آغاتا كريستي. لي كان مميز بهل مسلسل مش بس الأحداث، الموسيقى والمؤثرات الصوتية والموت الفجائي. فكرة هل المسلسل نجحت بشكل كبير لدرجة إنو تم إعادة إنتاج العمل عام 2014. مين كانت شخصيتكن المفضلة وليش؟

٢. طالبين القرب

مسلسل ربينا علي، تم عرضو عام 1997 لأول مرة، وبسبب نجاح الكبير لي حققو وصل عدد حلقاتو لأكتر من 100 حلقة ورجع انعمل جزء تاني منو. بتحكي أحداث المسلسل عن قصص حب وجازة وارتباط وطلاق وغيرها من المواضيع الإجتماعية بين شباب المجتمع اللبناني بوقتها. إخراج فارس الحاج وكتابة الراحل مروان نجار، “طالبين القرب” من المسلسلات اللبنانية الخالدة ولي ما بتموت. سلط الضو على العلاقات الإنسانية وتحديات الحب والزواج ومين ما كان يدمع بعد كل حلقة؟ بطولة فيفيان أنطونيوس، بديع أبو شقرا، وباسم مغنية، وغيرن الكتير، هل مسلسل رح يرجعلكن ذكريات جميلة من طفولتكن لو شفتو حلقة وحدة منو بس! “نحنا وإنتو وين ما كنتو حدا ما نبقى غرب.. نحنا طالبين القرب!”

٣. من سيربح المليون

صارت عبارات هل برنامج جزء من أحاديثنا اليوميي، يعني على سبيل المثال صرنا إذا بدنا نحرج حدا مش عم يحكي نقلوا “شو رأيك تتصل بصديق؟” أو كمان منقول “شو ما في احتمالات؟”. من سيربح المليون نسخة ملبننة عن برنامج مشهور شكل أيقونة بالعالم. ومين غير جورج قرداحي بيلبقلوا يكون المقدم؟ بيلعب متباري البرنامج لوحدو وكل هدفو يقدر يوصل لجايزة المليون ريال سعودي. شو جواب نهائي؟

٤. يا قاتل يا مقتول

من تقديم الإعلامي السياسي المعروف مارسيل غانم. مستوحا من اللعبة الأميركية “چـريد”. لازم المشترك يجاوب على الأسئلة من خلال أجوبة متعددة الخيارات ليربح جايزة فيا توصل أحياناً لنص مليون دولار. وهيك كانت بداية الإعلامي اللبناني الأشهر على الشاشة الزغيرة!

٥. المعلمة والأستاذ

جمع بين ممثلين لبنانيين حبيبين ع قلبنا كتير، ابراهيم مرعشلي بدور برهوم، وهند أبي اللمع بدور هنود، وليلى كرم لي انشهرت بدورها الرائع، الست ظريفة. هل المسلسل اللبناني رافق طفولتنا وبيحكي عن قصة حبي بتجمع استاذين بيعملوا ختياريي بمدرسة محو الأمية. بيتخلل المسلسل مشاهد مضحكة كتير وأحداث مهضومة وقريبة ع القلب، نست الناس الوجع لي كانو عم بعيشوا إيام الحرب. هنود عنجد بتحبيني؟

٦. سوبر ستار

كلنا كنا نوقف كل شي عم نعملوا وقت يبلش برنامج سوبر ستار يلي كان محبوب اللبنانيي والعرب. كان الموسم الأول موسمنا المفضل، في ديانا كرزون وملحم زين. بتذكروا قدي كنا ننطر الكاستينغ لنتسلى ونشوف الناس لي ما بيعرفوا يغنوا قابضين حالن جد وجايين يغنوا. كان في باللجنة الراحل الكبير الياس الرحباني وزياد بطرس خيا لجوليا، سوبر ستار هوي النسخة العربية من البرنامج البريطاني بوب أيدول “Pop Idol”.

٧. الكابتن بوب

بعد النجاح الكاسح لي حققو مسلسل “المعلمة والأستاذ” وبفضل الروح الفكاهية لي عندو ياها ابراهيم مرعشلي، أنتج مسلسل “الكابتن بوب” لي كسر الأرض بوقتها. بتدور أحداث هل المسلسل حول حياة كابتن طيارة إسمو بوب وبيحكي عن علاقتو العاطفية مع مضيفات الطيران الجميلات مش بس بالجو وعلى الأرض كمان.

٨. أبو سليم

مين في ينسى شخصي “أبو سليم الطبل”! على الأرجح كان هل مسلسل أحبّ مسلسل على جيل أهلنا، وكمان بقي ينعرض من جيل لجيل. بطولة أبو سليم (صلاح تيزاني)، فهمان (محمود مبسوط)، أسعد (عبدالله حمصي)، شكري شكر الله (صلاح صبح) وزغلول (فؤاد حسّان)، تناول قضايا إجتماعية بحس فكاهي وكوميدي من خلال شخصية فهمان وشكري.

٩. العاصفة تهب مرتين

كتابة شكري أنيس فخوري وبطولة الممثلة اللبنانية القديرة رولا حمادة والبطل فادي إبراهيم، هوي أطول مسلسل لبناني شايفينو بحياتكن. بيحكي عن قصص حب ومغامرات رومانسية وخيانات بعيشها رجل أعمال مشهور يومياً اللي بمثل دورو فادي إبراهيم.

شو كان برنامجكن المفضل من هل برامج؟

شوفوا كمان، أجمل ذكريات الطفولة اللبنانية.