أحلى طلعة ع فاريا بهل-٣ مطاعم المميزة

مشوار اليوم بياخدنا على أعالي فاريا، الجنة الساحرة بكسروان. هالمنطقة اللي بتجذب السيّاح واللبنانيين من مختلف المناطق للمناظر الحلوة والتلوج البيضا بالشتوية. وحدة من أجمل المناطق الجبلية بلبنان، ومقصد مميز لمحبي قعدة البرود بالطبيعة. إذا عبالكن تطلعوا على هالمنطقة، خلونا ندلكن على 3 من أطيب مطاعم فاريا.

1. مطعم ام رزق الله

مطعم إم رزق الله بيستقبلكن على اللقمة الطيبة والقعدة الرحبة وواحد من أطيب مطاعم فاريا. عندن جو تراثي وقعدة تقليدية عاللبناني، ومكان مميز لمحبي القعدات الجبلية، خصوصي انو عندن فيو للجبال بتاخد العقل.

ومش بس بيقدموا قعدة جبلية، بتلاقوا صاج، مشاوي، سفرة مليانة بالمازة اللبنانية والأكلات الجبلية على كاس عرق بلدي. بتجتمعوا مع أحبابكن على سفرة غنية، طاولة زهر، ولعبة ورق شدة مع قعدة بالهوا الطلق.

الرقم: 327 444 03

2. جلسة العرزال

جلسة العرزال مطعم بيحلي صباحاتكن بفاريا! لكل محبي القعدات التراثية واللقمة الجبلية، ناطركن عند جلسة عرزال كباية شاي سخنة وترويقة صاج طيبة وقعدة على الهدا، مشاوي على الغدا ولقمة بيتوتية.

مطعم مميز لتتروقوا عندو على وصلة قبل ما تبلشوا نهاركن بفاريا وتكتشفوا طبيعتها!

الرقم: 883 285 03

3. مطعم سابا

لمحبي السهر والقعدات المحرزة، سابا بيستقبلكن على قعدة غير شكل بفاريا. تراس بيطل على جبال المنطقة، قعدة بقلعة كبيرة، وموسيقى لايف بالسهرة. عندن أكل عالمي طيب ومشروب مميز وجو لزيز لجمعة أصحاب، مطرح مميز لتختموا مشواركن بالمنطقة.

الرقم: 444 676 70

شوفوا كمان، لقينالكن ٦ من أطيب مطاعم برمانا