وين فيكن تاكلوا منقوشة مع فيو حلو؟

مين ما بحب المنقوشة والقعدة مع فيو، خاصة هلأ بما إنو الطقس عم بصير أبرد وأحلى!

١. تنور أبو خنجر، عندقت

هل كافيه عندو قعدة بتاخد العقل بوج أجمل جبل بلبنان: أكروم يلي ما وصلت إيد الإنسان لإلو بعد. بتصبوا كباية شاي وبتتأملوا جمال الطبيعة وبتاكلوا منقوشة ع التنور ولي هيي أطيب منقوشة ممكن تاكلوها. معمولة ع تنور الحطب ومحمصة منيح وفيها جبنة، لبنة، كشك أو زعتر. ما في أجمل من هيك قعدة بالجبل مع هل برودات الحلوين.

الرقم: 111 184 76

٢. تشرين، إهدن

هل مطعم تاكي على كتف الوادي المقدس وبحضر أطيب سفرة ترويقة من المناقيش على أنواعها للفتة والعجة والبليلة وغيرن، كلن واصلين على صحونكن بالفخارة. الديكور كلو مستوحى من جو الضيعة مع طاولات ومقاعد خشب وحيطان مكشوفة على المناظر الطبيعية والوديان لي ما بتخلص وما إلا آخر.

الرقم: 636 433 81

٣. لا ميزون دي لا فوري La Maison de la Forêt، بكاسين

لازم كل مشوار عجزين يبلش وينتهي بلقمة من عند بيت الغابة. قعدة بقلب غابة الصنوبر، مطعم خشب زغير، وأرض مزروعة ونسمة جبلية بتردكن على إيام زمان وقت كان كل شي يمشي على الهدا. هل مطعم بقدملكن أطيب ترويقة لبنانية ممكن تتخايلوها بنص الغابة وبين الشجر ومع فنجان قهوة برد الروح. كل كدشة منقوشة رح تخليكن تنسوا همومكن شوي زغيرة وتسرحوا لبعيد.

الرقم: 222 800 07

شوفوا كمان، ٣ محلات تجربوا فيها الكروسان ع شوكولا ببيروت.