٣ مطاعم ساحرة فتحت جديد بلبنان

شو في أحلى من قعدة ساحرة مع منظر بياخد العقل وأكل بشهي؟

١. مرسال زحلة، زحلة

مرسال بيستقبل الزوار أحلى إستقبال، هل مطعم عبارة عن بيت حجر أثري وقرميد أحمر بطل على أجمل مناظر زحلة من بيوت أثرية والجبال على مد عينكن والنظر. يلي مش رايح على زحلة بحياتو، رح يكتشف جمال المنطقة! مطعم ساحر بألوانو وأكلاتو الطيبين، بتقعدوا على الكراسي المليونين وبتعيشوا لحظات هدوء وسكينة بقلب المنطقة.

الرقم: 000 944 81

٢. فوق الريح، فاريا

هل مطعم بيتمتع بأجمل منظر على الوادي مع هوايات الجبل الحلوين. بتحسوا حالكن قاعدين على راس الجبل وفوق الريح، من هل محل بتاكلوا أطيب الأطباق والطبخات اللبنانية والحلويات إنتو وعم تستمتعوا بالمنظر الحلو والهوا النقي وبركة المي والأرزة الخضرا. وبس تخلصوا ما تنسوا تشربوا شفة قهوة مع النسمات الحلوين وتخبروا شو في بقلبكن.

الرقم: 807 817 81

٣. آلا بيار A la Pièr، البترون

هل مطعم المميز عندو ديكور مش شايفين متلو بكل حياتكن. المطعم حجر بيطغي علي اللون الأزرق والكراسي خشب والمرايات موجودين بكل المكان. بقدم نكهات البحر المتوسط على صحنكن دغري! آخد تراس لحالو دغري على البحر والمنظر من هونيك غير شكل. ولما تغيب الشمس، الضو والألوان دغري بتعكس على المطعم، يعني ما فيكن تروحوا هيك قعدة ومنظر.

الرقم: 535 383 81

شوفوا كمان، ٣ قعدات تحت شجر الزيتون بلبنان.