٣ محلات تجربوا فيها الكروسان ع شوكولا ببيروت

إذا إنتو من عشاق الشوكولا والكروسان، هالمقال رح يحكيلكن عن ٣ محلات ببيروت رح ياخدوكن على عالم تاني من اللذة! تعوا نحكيلكن عن تجربة طعمة الشوكولا عند هل محلات، وعلى الطريقة اللبنانية منقلكن: إذا ما جربتوهن، عم تروحوا عليكن كتير!

١. كانيل Cannelle، التباريس

هيدي الباتيسري بقلب بيروت من أكتر المحلات المحبوبة للحلو بلبنان، بقدموا الحلو الفرنسي والغربي الأصيل مع نكهة الشوكولا الطاغية على أغلب الأصناف. وما في محل أزبط لحتى تجربوا عندو الكروسان ع شوكولا مع صوص روعة على الوج. أحلى شي فيكن تعملوا إنكن تقطعوا عبكرا قبل الشغل وتاخدوا معكن كروسان ع ذوقكن لتبلشوا نهاركن صح.

الرقم: 798 336 01
عندن فرع كمان بفردان: 782 792 01

٢. مون كروسان Mon Croissant، الأشرفية

كافيه وباتيسري كتير مهضومة بالأشرفية، كمان بيعملوا كروسان كل يوم وعندن كل أنواع الكروسان لي بتخطر عبالكن. يعني دايماً بكونوا fresh! هلأ الكروسان ع شوكولا إلا رهجة خاصة عندن لأن الصوص روعة معمولة ع الإيد ومن أطيب وأفخر أنواع الشوكولا وكمان عندن variety مخيفة بطعمة الشوكولا بالكروسان.

الرقم: 336 838 70

٣. سوبر كروسان Super Croissant، الحمرا

سوبر كروسان من أكتر المحلات لي بتعمل اختراعات بالكروسان بلبنان، وبيعملوا أطيب كروسان ع شوكولا وغيرها من الطعمات المبتكرة متل الفستق واللوز وأكيد بعدن محافظين على الطعمات الكلاسيكية متل الزعتر والجبنة. والأكيد كمان إنو اختراعات الكروسان ع شوكولا عندن غير شكل خصوصي إنو عندن طعمات لأطيب أنواع قرون الشوكولا متل الغالاكسي والأريو وأكيد طعمة الشوكولا العادية.

الرقم: 121 897 70

صحتين ع البطون!

شوفوا كمان، زعلانين؟ محل حلو مهضوم رح يرسم ضحكة عوجكن وبطونكن.