بتحبوا الفن؟ شوفوا هل-٤ كافيهات اللطيفة ببيروت

عم بتدوروا على أماكن تستلذوا فيها بالقهوة الطيبة وتستمتعوا بجو من الإبداع؟ لكل محبي الفن، شوفوا هل-٤ كافيهات اللطيفة ببيروت.

1. Vernice Creative Café، قريطم

كافيه جديد بمنطقة القريطم، مكان مثالي لكل محبي التعبير والإبداع على ريحة القهوة الصباحية والموسيقى الهادية. الكافيه مليان بديكورات لطيفة، وجو إبداعي لكل حدن عم يفتش على مساحة يستوحي منها ويعبر بطريقة حلوة. مطرح بيفوت على القلب وبتضيعوا بين الرفوف المليانة بالأعمال الفنية الرائعة التي فيكن تتصفحوها.

الرقم: 455 599 71

2. Hook، فرن الشباك

مساحة لعشاق الفن على أنواعه بين شوارع  فرن الشباك. Hook كافيه مش بس للفنون الرسم أو الكتابة أو الغنا، بس كمان بيستضيف نوعيات فنية مميزة بتجذب أي نفس إبداعية. خلوا عينكن على دورة الطبخ الجاية عندن حتى تجربوا مهاراتكن بالطبخ، شو رأيكن؟

3. Moon’s Bakery & Coffee Shop، الجميزة

كافيه مهضوم كمان بيستضف ورشات فنية حلوة متل التطريز بالإبرة والتلوين. كافيه مستوحى بتفاصيله من الفنان العالمي فان جوخ وجنة لعشاق القهوة والفن! 

وكمان عندن ورشات لفوائد العلاج بالفن لكل حدن عم يفتش على الراحة النفسية، متل الرسم لتخفيف عن السترس والقلق!

@beirut.com

♬ Fly Me to the Moon – The Macarons Project

4. Living Room، مار ميخايل

هالمطرح كتير مناسب إذا عبالكن تجربوا أشكال جديدة من التعبير! كافيه رايق بيستضيف ورش عمل أسبوعية مميزة لكل حدن عبالوا يقضي وقت لطيف مع أصحابو، من كتابة الشعر لتزيين الحلويات متل الكب كيك. وما بتكمل القعدة من دون فنجان قهوة تمزمزوا فيه!

شوفوا كمان، مسامي: قهوة مهضومة وزغتورة بجبيل