لقينالكن ٦ من أطيب مطاعم برمانا

مشوار اليوم بياخدنا على برمانا، جوهرة المتن بالجبل. منطقة مغمورة بشجر الصنوبر والورد، الشوارع القديمة، والأماكن اللطيفة. خلونا نتعرف على 6 من أطيب مطاعم برمانا.

1. تراس نيكولا

تراس نيكولا مطعم بقلب بيت تراثي، مغمور بالشجر والياسمين وبيطل على شوارع برمانا القديمة. مكان عندو قعدة رومانسية خاصة وأكل عالمي طيب ومن أجمل مطاعم برمانا!

الرقم: 035 177 70

2. Mediterraneo

إذا عبالكن أكل إيطالي متل البيتزا أو الباستا، أو يوناني متل السلوفاكي أو السلطات، ضروري تجربوا هالمطعم. مكان بأجواء متوسطية مميزة، قاعد على شوارع برمانا وناطركن على عشا رومانسية غير شكل!

الرقم: 295 200 03

3. Table du Chef Jean

واحد من أجمل مطاعم برمانا، بهل مطعم بتنبسطوا بعشا خاص ورومانسي بقلب جنينة بيت لبناني تراثي! بيتميز بتقديم أطباق الستيك الطيبة والسلمون على كاس نبيد مميز. 

الرقم: 494 698 06

4. مطعم بو إميل

مطعم بو إميل معروف باللقمة اللبنانية التراثية، الأكل الجبلي، الجو اللطيف للعيلة، والقعدة بالهوا الطلق بين ورد الجبل وتحت شجر الصنوبر.

الرقم: 222 264 71

5. مطعم قصر فخر الدين

مطعم قصر فخر الدين من أطيب مطاعم برمانا!

بيقدملكن قعدة فاخرة داخل قصر بيرجعكن بالزمن، لقمة لبنانية طيبة على عرق بلدي، وتراس على نفس جبلي ومناظر خلابة للطبيعة.

الرقم: 295 888 03

6. مطعم منير 

مطعم منير بيتميز بالأكل اللبناني على أصوله مع قعدة جنينة ساحر الجمال بالجبل. واحد من أطيب المطاعم الجبلية مع سفرة كريمة وقعدة ملوكية!

الرقم: 900 873 04

شوفوا كمان، تجربة ممتعة ورومانسية…حضروا الباستا بإيديكن من هالمطعم الإيطالي