تعرفوا على-٥ شطوط وبحور مجانية بالبترون

موقعنا نشر بعض أسعار الدخولية على على أهم وأبرز البحور والشطوط بمختلف مناطق لبنان ويلي شاف الأسعار هالسنة أكيد فكر مرتين قبل ما يروح ع البحر، لهيك اليوم رح نخبركن عن الشواطئ والبحور المجانية الموجودة بمنطقة البترون!

١. شط داني Dany’s Beach Restaurant

الدخول: مجاني

هل محل عندو مطعم بجنن على البحر دغري، متخصص بتقديم الأكل البحري وأصناف المازة اللبنانية. عندن فيكن تجوا تاكلوا لقمة طيبة وترجعوا تقضوا نهار على البحر ببلاش.

الرقم: 825 929 03

٢. شط البحصة

الدخول: مجاني

هل شط مفتوح للجميع ولكل حدا حابب يقضي نهار على البحر، محاط بعدد كبير من مطاعم المنطقة لي جاهزة تستقبلكن بأي وقت بالنهار.

٣. شط كولونيل Colonel Reef

الدخول: مجاني

عبالكن قعدة تروبيكال بتبورد القلب؟ هل محل هوي المناسب لكل مين عبالو قنينة بيرة وبزورات وشوية لوز أخضر مع موسيقى وأجواء صيفية.

الرقم: 543 743 03

٤. شط بيار أند أند فرندز Pierre and Friends

الدخول: مجاني

قاعد على شط البترون، بقدم أكل بحري ولا أطيب من هيك وعندو قعدة قش جذابة. بتاكلوا لقمة طيبة وبترجعوا بتقضوا نهار مميز على البحر.

الرقم: 930 352 03

٥. جوينينغ بيتش Joining Beach

الدخول: مجاني

هل محل بيتمتع بشط صخري مفتوح للجميع ولكل حدا بحب القعدة على رواق بوج البحر. بقلب هل مطرح مغارات صخرية وعشبية مميزة لكل حدا حابب يعيش مغامرة الغطس.

الرقم: 875 643 06

شوفوا كمان، ٧ محلات عندن صبحية بيتوتية بلبنان.