ديار القمر: بيت الجبل وجار القمر بالشوف

بما انو الخريف على بوابو، خلونا نطلع على وحدة من أجمل الضيع اللبنانية. مشوارنا اليوم على دير القمر، جوهرة الشوف اللي بتتميز بالبيوت التراثية، والقصور التاريخية، والطبيعة الجبلية، والجمال الخلاب. إذا عبالكن تقضوا كم يوم عم تكتشفوا المنطقة، مشوا ندلكن على بيت ضيافة جديد بالشوف. تعرفوا معنا على ديار القمر، بيت جبل بقعدة بترد الروح بدير القمر.

ديار القمر عبارة عن بيت جبل جاهز يستقبلكن على قعدة رايقة بحضن دير القمر. بيت لبناني تراثي بيقدم قعدة قناطر بتطل على جمال الطبيعة الجبلية بالشوف، الجبال العالية والوديان والغابات.

ديار القمر بياخدكن على عالم من الرواق، بتنبسطوا بمنظر غير شكل، تسرحوا بجمال الطبيعة بالنهار وبقعدة على غروب الشمس بتاخد العقل.

هالمطرح غير شكل لمحبي القعدات الجبلية والإكتشاف، قريب من المواقع السياحية والمعالم التاريخية بدير القمر. هيك بتقضوا نهار كامل عم تكتشفوا المنطقة وجواهرها المخباية.

عندو قعدة للعيلة كاملة مكمّلة ومجهزة بكل شي، كذا أوضة نوم ومطبخ وقعدات مريحة ولطيفة. عندن قعدة تراس غير شكل لتقضوا سهرة حلوة عليها مع سما مليانة نجوم، كمان لتعملوا مشاوي على الغدا مع العيلة، وحتى في مسبح مهضوم إذا عبالكن تسبحوا وقدامكن منظر الجبل.

والصبحيات بدير القمر ما بتتفوت، ترويقة لبنانية طيبة، وفنجان قهوة بيشق القلب.

شو ناطرين؟ للمزيد من المعلومات، اتصلوا على 986 111 03

شوفوا كمان، بيت سليمة: بيت جبل بقعدة رايقة بين صنوبر المتن