مسامي: قهوة مهضومة وزغتورة بجبيل

تعودنا نخبركن عن المحلات الجديدة والمهضومة لي ما حدا سامع فيها، اليوم جايبينلكن قهوة فاتحة جديد بجبيل “مسامي” عندن قعدة بيت وكل أنواع القهوة ولقمة بيت.

مسامي مطرح مميز لتقضوا صبحية مهضومة مع أصحابكن أو تشتغلوا على رواق مع فنجان قهوة غير شكل. كمان بيستقبلكن بالليل على أجمل قعدة مع الحبيب تحت ضو القمر.

فيكن تلعبوا طاولة أو بالألعاب الموجودين بالمحل مع رفقاتكن أو حتى تشاركوا بالورش الفنية لي بيعملوها من فترة لفترة. كافي مميز لمحبي القهوة وقعدات الرواق والثقافة والتسلاية!

إذا عندكن كلب فيكن تجيبهو معكن وتكزدرو ما في مشكل.

هل قهوة لازم تقصدوها بجبيل لما يكون عبالكن شي طيب وخفيف ومكنكن متل قعدات البيت. القهوة عندن بيقدموها بطعمات مميزة وبقلب فناجين الشفة، بتلاقوا كمان ساندويشات البيت، كعك وحلويات بيتوتية متل السحلب والكاستر والجيلو.

لتعرفوا أكتر عن هل محل اتصلوا على 622 052 81

شوفوا كمان، زعلانين؟ محل حلو مهضوم رح يرسم ضحكة عوجكن وبطونكن.