أجمل ذكريات الطفولة اللبنانية

ذكريات الطفولة اللبنانية بتختصر كل أيامنا الحلوة لي ما بترجع، جيل يلي قبل التكنلوجيا، عشنا قصص حلوة كتير، شو كانت بسيطة بوقتها الحياة لو فينا نرجعها.

١. ما بتكون لبناني أصيل وعشت طفولتك صح إذا ما أكلت منقوشة الزعتر مع تشيبس عخل وبونجوس هرم

٢. ما بتكون لبناني أصيل وعشت طفولتك صح إذا ما كنت توقف كل يوم على الساعة 4 بعد الضهر تنطر بياع الكعك لتجيب كعكة مع كيس غزل البنات

٣. ما بتكون لبناني أصيل وعشت طفولتك صح إذا ما كنت تتعصرن بسكويت مع راحة كل مرة بتروح فيا عند التيتا والجدو

٤. ما بتكون لبناني أصيل وعشت طفولتك صح إذا ما كنت تاكل تشيبس جحا بالكوردون وتحس حالك كلاس على الآخر

٥. ما بتكون لبناني أصيل وعشت طفولتك صح إذا ما كنت معود تاكل بوظة بعد كل مشوار نهار الأحد

٦. ما بتكون لبناني أصيل وعشت طفولتك صح إذا ما لعبت بالغلة مع رفقاتك البنات والصبيان بساحة الضيعة والمدرسة

٧. ما بتكون لبناني أصيل وعشت طفولتك صح إذا ما كنت تشتري سحبة ب250 ل. ل. كل مرة بتروح فيها على الدكانة

٨. ما بتكون لبناني أصيل وعشت طفولتك صح إذا ما كنت تحوش حميضة من الطرقات وتاكلها من دون غسيل

٩. ما بتكون لبناني أصيل وعشت طفولتك صح إذا ما كنت تلعب بالفرقيع الزت على كل عيد

١٠. ما بتكون لبناني أصيل وعشت طفولتك صح إذا ما كنت تجيب علكة السيغارة من الدكان لتجغل على رفقاتك

١١. ما بتكون لبناني أصيل وعشت طفولتك صح إذا ما كنت تعق بولو polo بالصف لتشبع

١٢. ما بتكون لبناني أصيل وعشت طفولتك صح إذا ما كان يطلعلك علكة تشيكليتس كل ما يكون الدكنجي ما معو صرافة

١٣. ما بتكون لبناني أصيل وعشت طفولتك صح إذا ما كان عندكن Floppy بالبيت بتحطوا عليها صوركن

١٤. ما بتكون لبناني أصيل وعشت طفولتك صح إذا ما كان عندك ضو لايزر تضوي في بعيون رفقاتك وهني يهربوا منك ويخافوا ينعموا

وإنتو شو كنتوا تعملوا بس كنتوا زغار؟

شوفوا كمان، تاريخ منطقة الجميزة: من اسمها لأسوأ مجرمينها.