وين فيكن تجربوا أطيب تاكو مكسيكي بلبنان؟

عبالكن تجربوا تاكو مكسيكي على أصوله؟ لكل محبي أكل الشارع، خلونا ناخدكن على أطيب مطاعم لتجربة تاكو مميزة بلبنان.

1. Taco de Madre – مار ميخايل، جونية

هالمطعم المكسيكي بيتميز بتقديم تاكو بتفوق توقعات كل محبي التاكو الكلاسيكي. بيتفنن بالمنيو وبتلاقوا مختلف أنواع التاكو بنكهات فريدة وشهية!

الرقم: 548 545 03

2. Pacifico، مونو

مطرح فخم بيقدم الأطباق اللاتينية بكل شطارة، باسيفيكو عندن خبرة مميزة بنكهات التاكو التقليدية. بيعملوا التاكو متل بالمطبخ المكسيكي وعلى أصولها، وكمان عندن مشروبات طيبة تجربوها مع الطبق!

الرقم: 373 977 76

3. Catrinas، مار ميخايل

من أكتر المطاعم الحيوية بمار ميخايل، بيحتفي بالمطبخ المكسيكي والأكل الشعبي الكلاسيكي. عندن منيو غنية بطعمات التاكو، و رح تلاقوا حالكن عم ترجعوا على هالمطعم كل مرة بتكونوا مشتهيين تاكو.

الرقم: 222 174 03

4. Odette’s Mexican Taqueria، أشرفية

بتلاقوا عند أوديت وجبة مكسيكية أصيلة بتفتح النفس! من الأطباق الرئيسية المحبوبة، للأطباق اللي بيتفنن فيها المحل، رح تكونوا متحمسين لتدوقوا التاكو التقليدي، وكمان تستمتعوا بالأطباق المكسيكية المعروفة بلمستها وطعمها الخاص.

الرقم: 886 737 81

5. Chili’s، أشرفية

تشيليز مقصد كلاسيكي لكل محبي التاكو! مشهورين بالسفرة الكريمة والنكهات الخيالية والصوصات المكسيكية الأصيلة! مطعم بيفتح النفس وعامل ضجة كبيرة أد ما طيب!

الرقم: 900 334 01 – 474 337 01

6. DIVVY، كافة الفروع

هالمطعم بيقدم تاكو كلاسيكي غير شكل! بتجي التاكو محشية بأطيب المكونات، صوص حرّة، وناتشو تشيبس!

الرقم: 020 444 01

7. La Mezcaleria، جونية

إذا كنتوا عم تشتهوا تاكو محرزة بجونية، ضروري تجربوا مطعم La Mezcaleria! كل تلاتا بيقدموا تاكو طيب، مع صوصات مكسيكية متل صوص السبانخ، وسلطة التكس-مكس بسعر مخفض! ممكن كمان تضيفوا المارغريتا لتنبسطوا بتجربة مكسيكية على أصولها!

الرقم: 118 001 70

شوفوا كمان، ودعوا الصيفية بالمهرجان اللاتيني الضخم بجبيل!