مسابقة جديدة: لي بياكل هل بيتزا رح يطلعوا 200$ كاش وجوايز قيمة!

لبنان بلد كل أهلو بحبوا الأكل الطيب وأكتر شغلة ممكن تغرينا هيي البيتزا لأنها معمولة من أطيب المكونات.

إذا كنتو بتفكرو متلنا أكيد بيجي عبالكن تجربوا طعمات جديدة وغريبة بالبيتزا لتشوفوا شو طعمة تمكن. بس هل مرة رح تجربوا كل هل النكهات ببيتزا وحدة بس! وكيف بقا؟

مطعم وبيتزيريا New City Pizzeria بفرعوا بالكاسليك عاملين مسابقة وشو مسابقة رح تاكلوا صابيعكن وراها! كفوا معنا لتعرفوا عن شو عم نحكي.

صار فيكن تربحوا مصاري بس من ورا الأكل! يعني أكتر شغلتين من حبن بالحياة هني المصاري وإنو نعبي بطننا وهلق صار فيكن تطلعوا مصاري إنتو وعم تعملوا أكتر شي بتحبوا بالحياة “الأكل”… إنتو وعم تاكلوا بيتزا!

هل تحدي نعمل بسنة 2018، وبوقتها كسر الأرض واليوم رجع ومحمل معو جوايز جديدة وقيمة.

شو المطلوب؟ لازم تجوا نهار التنين عند New York Pizzeria لتشاركوا بهاي السابقة، بتطلبوا البيتزا الكبيرة لي حجمها 73 سم وإذا قدرتوا خلصتوها لحالكن ب60 دقيقة يعني ساعة بس رح بيطلعلكن جايزة مش كلمة بالتم: سنة تاكلوا فيها بيتزا ببلاش وقد ما بدكن من المحل نفسو ومبلغ 200$ كاش عداً ونقداً. وبيطلعلكن فوق الدكة تيشرت البطل وبعلقولكن صورتكن على الحيط مع الشطار.

هلقد الشغلة هينة وبسيطة! بس نصيحة تعوا على معدة فاضية وجوعوا حالكن منيح لأن الحصص كبيرة كتير وبتشبع.

مين بتعزموا على هيك تحدي؟

للمزيد من المعلومات اتصلوا على هل أرقام:
كاسليك: 115 114 79
برمانا: 786 860 24

شوفوا كمان، ع صعيدي: سهرة “هز يا وز” مصرية وركوب جمل عند هل محل بلبنان.