٥ محلات فوق الغيوم بلبنان

زهقتوا من نفس الضهرات على نفس المحلات؟ خلونا ندلكن على هل ٥ محلات قاعدين دغري فوق الغيم بلبنان.

١. سمارولا Samarula، الأرز

هل محل عندو جلسة على كتف الوادي، منو متل أي محل عادي لإن المنظر عندو فوق الخيال. بيعمل وافل وكريب ومناقيش وخبار لذيذة وطيبة وأكيد مشروبات فريش مع قعدة مراجيح زغار على الوادي.

الرقم: 933 923 81

٢. هافين ذا كابين Heaven the Cabin، جبيل

قعدتو كتير رواق، بعيدة عن كل الضجة والعجقة والمشاكل، يعني بتنسوا حالكن لما تصيروا فوق. فيكن تجوا تشربوا وتاكلوا شي على الخفيف أو تناموا فوق بقلب بيت خشب زغتور بياخد العقل.

الرقم: 157 576 76

٣. ذا سانلاند The Sunland، غسطا

قاعد فوق سما جونية، القعدة عندو كتير مهضومة وخرج تقضوا وقت هونيك مع رفقاتكن لما يكون عبالكن تغيروا جو. المحل مش بس رح تكون ناطرتكن في قعدة مميزة بالسما، رح فيكن تستمتعوا كمان بالمشروبات اللذيذة والديكور الرومانسي.

الرقم: 081 001 81

٤. أو سولاي O Soleil، وادي شحرور

هل محل عندو قعدة كتير لذيذة وقريبة عبيروت بتتميز بموقعها يلي بياخد العقل، بقدموا أكل وشرب غير شكل، يعني بتاكلوا لقمة طيبة وحويليكن مناظر بترد الروح.

الرقم: 972 327 70

٥.فريا Freya، اللقلوق

قعدة بتتميز بألوانها الفاقعة وموقعها يلي بياخد العقل، بقدموا كل أنواع المشروبات لتبلوا ريقكن وكمان بيعملوا مشاوي وأكل على النار. مطرح مميز لضهرة رومانسية وقت مغيب الشمس مع حبيبكن!

الرقم: 799 009 81

شوفوا كمان، أجمل ٥ أوتيلات موجودة بالجبل بلبنان.