وين فيكن تجربوا كعكة طرابلسية غير شكل بلبنان؟

من أطيب الكعك بلبنان هي الكعكة الطرابلسية الشهيرة! إذا انتو من محبي الكعك والجبنة الدايبة، كفوا معنا لتعرفوا وين فيكن تجربوا كعكة طرابلسية غير شكل بلبنان.

1 . جبنة وسماق، حارة حريك

جبنة وسماق معروف بتقديم أطيب كعكة طرابلسية محشية بالجبنة بالمنطقة! بيعملوها على أصولها، وعالفحم متل ما الكل بيحبها. مكان بتقدروا تدوقوا فن أهل طرابلس بالأكل من قلب العاصمة بيروت.

الرقم: 827 956 78

2. Al Tom Delights – طرابلس، جبيل، حلما، المنية

هالمطرح واحد من الأماكن المحبوبة بمدينة طرابلس، وعندن فروع مختلفة بلبنان! مع إنن محل خص نص بيعمل الحلويات اللبنانية التقليدية والطرابلسية، بس بيقدموا كعكة طرابلسية بتشق القلب بشكلها وطعمتها وريحتها! الحلو انو كمان بتلاقوا عندن أكلة مميزة: كعكة مفروكة!

الرقم: 555 225 06

3. Eddy’s Street Food – فرن الشباك، جل الديب، ذوق مصبح

أديز محطة أكل شارع معروفة ومحبوبة كتير! محل قاعد عالرصيف وناطركن على أكل كتير طيب وبيشبع. بتلاقوا عندن الهوت دوغ اللي بيشهي، البطاطا المحشية، وأكيد الكعكة الطرابلسية الشهيرة. صدّقونا، وحدة ما رح تكفي ورح تطلبوا أكتر وأكتر!

الرقم: 021 211 81

4. Food Vaccine – الرويس، الضاحية

هالمطعم بيقدم الأكل الدسم والطيب وخص نص مكان مميز لتجربة الكعكة الطرابلسية بنكهات مش تقليدية! بتلاقوا كعكة السجق و الجبنة ناتشوز و الديك الرومي المدخن، ومعن النكهات المحبوبة متل الجبنة، يعني كتير رح يعجبكن هالمحل!

الرقم: 148 759 76

5. Abou Daniel، طرابلس

ما في افخم من إنو تجربوا الكعك الطرابلسية من ديات معلمينها! كعكة أبو دانيال الطرابلسية معمولة على أصولها من قلب طرابلس، عندن نكهات تقليدية وكمان نكهات فنية لكل حدن حابب يجرب شي جديد!

الرقم: 456 108 03

شوفوا كمان، عبالكن برغر لبناني شغل بيت؟ مشوا معنا على هل محل