أجمل بيت ضيافة بالبترون فيكن تقضوا ليلة في

مزبوط إنو صرنا بآخر آب، بس هيدا الشي ما بيعني إنو خلصت الصيفية. بعد ما خلصت صيفيتنا الحلوة وبعد في محلات لازم نكتشفها بلبنان ونعيش فيها ونتعلق فيها.

لا ميزون دو ماكي La Maison du Maquis عبارة عن بيت دافي عتيق مليان حب، جاهز يستقبلكن وقت لي بدكن بمنطقة عبرين بالبترون.

حيطانو دافية بيحكو قصة حب مخباية، الفيلا من جوا مرتبة ومهضومة، وقريبة كتير على بيت التيتا بالجبل.

هل بيت لإلكن يلي عم تدوروا عن محل ترتاحوا في من العجقة والتعب والهموم والزعل.

بتحسوا رجعتوا على بيت الجبل، الزريعة والشجر ملايي المكان. كراسي الخيزران والشراشف المخرزة والتخت لي في منو بالضيعة، بتحطوا راسكن وبتغفوا بلا ما تحسوا.

القعدة بقلب الجنينة مهضومة كتير مع منظر حلو ومرجوحة وطاولات وكراسي ملونين خرج عصرونية مع فنجان قهوة.

الصبح بس تطلع الشمس بتحطوا ترويقة لبنانية جبلية مع بريق شاي لتسولفوا مع حبيبكن… بتحسوا حالكن بشي فيلم قديم.

أهضم شي بهل محل إنو عندن بيسين كتير حلو بين شجر الزيتون رح يوقف الزمن عندو.

إذا بتدكن تستأجروا أوضة وحدة بالفيلا بتكلف 110$ على الليلة وإذا عبالكن الفيلا كلا ف رح تكلفكن 550$ على الليلة.

للمزيد من المعلومات اتصلوا على 960 249 03

شوفوا كمان، ٥ أنهر ضروري تزوروهن هل صيفية بلبنان.