بيت جبل زغير وقعدة تحت التين ناطرتكن بدير القمر

كلنا منعرف إنو دير القمر وحدة من أجمل الضيع الجبلية اللبنانية، من قصورها التاريخية، وبيوتها التراثية، وشوارعها القديمة، وحدايقها المعلّقة. بتتميز بأجمل المناظر الجبلية والقعدات التراثية اللي ممكن تجربوها. إذا عبالكن تنبسطوا بكم يوم غير شكل بهل منطقة ومش عارفين وين تقضوا الليلة، خلونا نخبركن عن بيت ضيافة جبلي مميز. تعرفوا معنا على بيت التين، بيت جبل زغير مع قعدة تحت شجر التين بدير القمر.

بيستقبلكن بيت التين على قعدة بالجبل وجنينات الطبيعة اللي بتمد على نظركن. بيت جبل زغير من الحجر القديم ومزين باللون الأزرق المفرفح، الشبابيك المهضومة والقعدات الحلوة. بتنبسطوا بأحلى قعدة بحضن الطبيعة جنب الورد الموسمي، وتحت فيّ شجر التين.

بيت مهضوم لتعيشوا لحظات مميزة بمطرح رايق وبعيد عن العالم. تجتمعوا مع أصحابكن على القعدة الحلوة والرحبة تحت الشجر وعلى النفس الجبلي. البيت قريب على كل المطاعم الطيبة والأماكن الأثرية بالمنطقة، بتقدروا تخططوا نهار غير شكل عم تكتشفوا دير القمر.

بيت التين بقدم كذا غرفة وتخت بجو مريح ولطيف لتقضوا ليلة غير شكل. عندو ديكور لزيز، نقشات قديمة مع تفاصيل من الخشب والقش، ولون الأزرق الرايق.

بتجربوا قعدة تراثية غير شكل على التراس وقت الصبحيات، وجو من الجمال والهدوء اللي بيروق الراس.

وبتعملوا مشاوي مع أحبابكن، وبتكفوا السهرية تحت ضو النجوم والقمر بحضن الجبل، أديه حلو؟

للمزيد من المعلومات، اتصلوا على 570 205 70.

شوفوا كمان، تعرفوا على جزيرة إستوائية مخباية بالبترون