عبالكن برغر لبناني عالأصول؟ مشوا معنا على هل محل

قد ما عم نشوف اختراعات غريبة عجيبة وقد عم ما ندوق قصص جديدة وخلطات جديدة بيبقى البرغر اللبناني تبع البيت أطيب شي عنا. أكيد بس يكون معمول على الأصول!

وود بوكس Woodbox عبارة عن كيوسك زغير بقلب منطقة غسطا بحضر أشهى البرغر والساندويشات البيتوتية، مشهور بأكلو الطيب والغير شكل. اللقمة عندو بتخليكن تنغرموا في. صح فينا نحكي كتير عن ساندويشات الطاووق وساندويشات الكفتا لي بيعملها، بس بضل البرغر لي عندن أطيب شي.

كيف بتعرفوا إنو هيدا البرغر لي عم تفتشوا علي؟ لما يكون مكون من لحمة بيتوتية متبلة بالتوابل بقلب خبزة برغر، مغطاية بالكاتشب ومحشية ببطاطا مقلية بتقرش قرش وسلطة ملفوف. وقت ما ينخلط المايونيز مع الملفوف بشكل بسيط بالكاتشب وتصير البطاطا شوي طرية، هيدي هيي العلامة يلي بتعرفوا فيها أنو لقيتوا الكنز لي عم تنبشوا علي: البرغر اللبناني الأصيل.

مجرد ما تطلعوا على هل منظر البسيط ولي بشهي عند وود بوكس رح تحسوا حالكن كتير عبالكن تجربوا! وأكيد الحكي مش متل الشوفة ولا متل الطعمة!

مش بس هيك قرروا يعملي شي ليرضوا محبي الجبنة أكتر وأكتر: برغر لبناني على جبنة محشي طبقات جبنة لذيذة. بفوت على القلب وبدوب بالتم شوي شوي.

عنجد هل برغر يمكن أطيب برغر بيتوتي رح تاكلوا بحياتكن، متل ما منقول باللبناني بتحسوا عم عيطلكن.

أكيد ما حدا بيزهق من أكل البرغر، بس إذا عبالكن شي تاني ما تترددوا تطلبوا ساندويش من عندن، غنية بالصوص ولحمتها ولا أطيب من هيك.

هل محل بتلاقوا على الطريق العام بغسطا ما بضيع أبداً، دغري بيطلع بوجكن، بيفتح كل يوم من الصبح لل11 بالليل ما عدا التنين.

تواصلوا معن عهل رقم: 003 060 03

شوفوا كمان، الكانتين الفرنسي: تجربة ستيك وبطاطا جديدة بقلب برمانا.