تجربة ستيك وبطاطا جديدة بقلب برمانا

إضافة جديدة على French Canteen، Broumana Yard بجبلكن أحلى جو بأطباقو الشهية لكل محبي اللحمة أو عبالن يجربوا شي فضولي وطيب بقلب منطقة جبلية بعيدة شوي عن الساحل.

الكانتين الفرنسي بيستقل الناس لي عبالها تجرب بحر من النكهات البسيطة لي بقدمها المطعم على أنغام موسيقية رومانسية. بيعمل الستيك بطريقة إحترافية، بتطلع عندو اللحمة غنية بالطعمة، طرية، ومشوية مزبوط.

على الرغم من إنو بقدم أكتر من الستيك… ساندويشات، برغر وسمك وقصص طيبة، بس الأكلة الرئيسية عندن هيي الستيك مع البطاطا المقلية. عبارة عن لحمة طرية ومشوية بكل إحترافية مع بطاطا مقلية وسلطة ولا ألذ من هيك. هالطبق بيكمل مع خياركن المفضل من الصلصة مع أعشاب أو فطر حسب ذوقكن.

بيطغي على المحل لون الأخضر الترابي لي رح يجبلكن تجربة طعام مريحة للنظر وللنفسية. بتضمن قائمة الطعام مجموعة متنوعة من الأطباق المميزة متل شريحة اللحم الواغو، وشريحة الأنغوس الأسترالية، بالإضافة للمشروبات والحلويات الشهية.

من الديكور والروقان، الأضوية والخضار والتريات…بينجمعوا مع اللقمة الطيبة ليقدموا أحلى تجربة.

عنجد هل محل يعتبر الواحة لي فيكن تهربوا عليها بس تحسوا بضغط الشغل وعجقة المدينة.

للحجز: 671 71719

شوفوا كمان، كازينو الصفا: لقمة طيبة وقعدة على النهر.