محل متل الجزر الإستوائية مخبى بالبترون: شوفوا معنا!

عم تفتشوا على تجربة مميزة لتعيشوا موسم الصيف على أصوله؟ مشوا معنا على البترون عروسة الصيفية وصديقة البحر الحلو، ونعرفكن على أوتيل غير شكل فتح هالموسم ضروري تجروبوا. تعرفوا معنا على Tropical 6 عبارة عن جزيرة إستوائية مخباية على شط البترون. خلونا نشوف شو مخبيلكن هالمطرح.

أوتيل Tropical 6 بيقدم تجربة مميزة هالصيفية. هالمطرح أوتيل بأجواء إستوائية ساحرة، نايم على البحر بالبترون وقاعد جنب الموجات وصخور البحر. تخايلوا تفيقوا على هالمنظر الحلو للبحر وتقضوا نهاركن كلو بالميّ الصافية؟

أوتيل Tropical 6 بيتميز بجلسة تحت خيم القش، القعدة الغجرية بأجواء بحرية، والقعدة المميزة تحت دفى الشمس. هالمطرح رح يصير من الأماكن المفضلة عندكن بالبترون، رح يسحركن بالقعدة الحلوة والمناظر الخلابة لتعيشوا الصيفية بكل تفاصيلها.

بتلاقوا عندن جنينات واسعة بأحلى إطلالة على البحر لتقعدوا تروقوا أعصابكن على صوت الموجات الصبح أو على سهرية مع النجوم والبحر بالليل. بيقدموا كذا غرفة بديكور إستوائي وجو مريح، والحلو انو كل غرفة فيها بلكون خاص مع إطلالة بحرية رومانسية.

أوتيل Tropical 6 بيقدملكن ترويقة غير شكل، عصير منعش، وقعدة إستوائية مميزة هالصيفية لتجربوها مع الشريك أو أصحابكن بشي نهار عطلة. وبعد الترويقة، بتنزلوا على الشط وبتسبحوا كل النهار بقلب البحر، أو بترخوها تحت خيم القش وبتروقوا راسكن.

للمزيد من المعلومات، اتصلوا على 862 267 81 .

شوفوا كمان،٣ من أجمل المطاعم الرومانسية بأنفه