٥ أنهر ضروري تزوروهن هل صيفية بلبنان

لبنان من شمالو لجنوبو واحة مي ما بتخلص مغمورة بالشجر والروقان، روحة على أنهر لبنان دوا بهيك وقت خاصةً إنو فيكن تسبحوا وتبوردوا وتاكلوا من دون ما تتكلفوا ولا شي.

١. نهر مرج بسري، جزين

مش بس رح تكون ناطرتكن قعدة مميزة بالطبيعة ومحاطة بالأشجار، رح تلاقوا كمان مجموعة من المطاعم والمنتزهات لتقعدوا وتاكلوا لقمة طيبة.

٢. نهر الجاهلية، الشوف

الجاهلية من أجمل المناطق الخضرا الموجودة بلبنان، وبتتمتع بنهر صافي ولا أجمل من هيك منظر. على ضفاف الجاهلية بتلاقوا عدد كبير من المقاهي والمنتزهات والقعدات الحلوة لي بتقدم لقمة بيتوتية ومازة شرقية أهمها مطعم منتزه الجسر. .

٣. نهر عيون السمك، الضنية

من أجمل ما خلق الله، هل واحة بتعطيكن سلام وراحة وهدوء بمجرد النظر لإلها. هون بتلاقوا الشجر والطير والجبال عم بتعانق بعضها. أكيد فيكن تمشوا مسافات طويلة وتتصوروا وبس تخلصوا تاكلوا لقمة طيبة بمطاعم المنطقة متل استراحة عيون السمك. .

٤. نهر العاصي، الهرمل

بيتميز هل نهر بجمال الطبيعة لي في وبنضافة المي ونقاوتها. بتلاقوا على ضفاف النهر المقاهي والمتنزهات لي صارت من الوجهات المفضلة بوقت فصل الصيف. بأمن هل مكان نشاطات وألعاب مائية وفرصة للسباحة والتخييم على ضفاف النهر.

٥. نهر الجوز، بعقلين

نهر الجوز بياخد العقل، قاعد بمنطقة بعقلين مليان خضار وجمال ورواق. تمشوا شوي وبتوصلوا على هل جوهرة المخفية مطرح ما رح تلاقوا جسر أثري وشجر مغطى كل المرج وبرود ومناظر خلابة على مد عينكن والنظر.

شوفوا كمان، تعرفوا على ٩ محلات جديدة فتحت بلبنان.