أطيب رز بحليب بلبنان وأهضم عمو عند هيدا المحل

طالبة نفسكن صحن رز بحليب غير شكل؟ إي هيدا النوع من الحلويات لو تبرمو السند والهند ما رح تلاقوا وين ما كان، بدكن تدوروا منيح منيح وتبحبشوا لبنان شارع شارع لتلاقوا مين بحضر هل حلو البيتوتي.

بس نحنا وفرنا عليكن المهمة ولقينا محل بيعمل رز بحليب روعة وأطيب بكتير من تبع البيت. معلم أبو زهير حنقير بصيدا عندو سنين وسنين خبرة وما بيقبل يعمل شي غير من دياتو!

بس تروحوا، بتتعرفوا على معلم الرز بحليب شخصياً، وبتدوقوا الرز بحليب الأسطوري يلي بيعملو من دياتو.

بقدم صحن الرز بحليب بقلب النحاس ليحافظ على برودتو لتبوردو قلبكن بهل صيفية. حسب عمو زهير، بتنحط الصينية وبتنغلى، بس يحمروا الجوانب يعني خلصت وأكيد بزيد عليها سرو الخاص لتفقش أكتر وبس تنشف بتصير جاهزة تفوت على بطنكن.

والخبرية الأحلى من هيك إنو فيكن تزيدوا فوقن بوظة على ذوقكن!

أبو زهير حنقير مش محل عادي، هو جزء من تاريخ صيدا ومن أشهر محلاتها القديمة.

بيتبع وصفة تقليدية ومميزة عمرها أكتر من 86 سنة، يعني الزلمي تاريخي!

غير إنو الرز بحليب بشهي، كمان عندو الأطايب لي منستحليها وما منلاقيها وين ما كان متل السحلب والكاستر.

ما إسمكن لبنانيي إذا بعد ما جربتوا الرز بحليب بصيدا!

الرقم: 884 847 70

شوفوا كمان، اختراع جديد: منقوشة جبنة وبطيخ على الصاج!