اختراع جديد: منقوشة جبنة وبطيخ على الصاج!

مين فينا ما بقضيها رايح جايي على البراد بهل شوبات ليبورد قلبو بقطعتين بطيخ؟ فشو رأيكن لو قلنالكن إنو في حدا خطر عبالو يحطها بقلب منقوشة على الصاج؟

لأن Saj Stories بيعرفوا طعمة تمنا على المزبوط، قرروا يعملوا اختراع جديد ما حدا سبقن علي: منقوشة جبنة وبطيخ على الصاج!

عم تتخايلوا المنظر! عم تتخايلوا الريحة! عم تتخايلوا الطعمة والقرشة! يا ويلي شو طيبي! الجبنة البيضا والبطيخ طلعوا بيلبقوا لبعض أكتر ما بتتخايلوا، عدا عن رشة النعنع على الوج وعصرة دبس الرمان لطعمة بتدوخ.

وما تنسوا تشربوا كاسة عصير ليمون حدا! شي بشق القلب وببورد النفسية. وإذا عبالكن شي صخن كمان بجوز، كباية شاي عالصبحية ما بتشكي من شي.

شو بيعملوا كمان؟ بتلاقوا عندن اختراعات ما بتخلص وكلاسيكيات مخبوزين بأطيب عجينة. من منقوشة السكر والزبدة لمنقوشة الدبس بطحينة عالصاج، للحمص مع حبات الشمندر وغيرها من الأمور لي ما بتجي لا عالبال ولا عالخاطر بس لما تدوقوها رح تعرفوا قدي كنتوا بحاجة لإلها.

اللقمة الطيبة وعلى البركة موجودة عند Saj Stories، فيكن تقصدوهن بمحلن بالجميزة وتجربوا كل الطعمات والنكهات الجديدة والغريبة وأكيد أكيد المناقيش التقليديي كمان بأطيب خبزة صاج.

للمزيد من التفاصيل اتصلوا على 586 566 01

شوفوا كمان، غزل البنات محشية بوظة: من أطايب الحلاب المميزة.