أجمل ٥ أوتيلات موجودة بالجبل بلبنان

اليوم مشوارنا رح يكون على الجبال الخضرا لي بتتميز بالهوا النقي وغابات الصنوبر والزيتون والقرميد الأحمر لنتعرف على ٥ من أجمل الأوتيلات الموجودة بالجبل اللبناني.

١. أوتيل ك س او ر KCOR Hotels، قرنايل

عبارة عن جوهرة مخفية بمنطقة السلام، قاعد بين السما والأرض وبطل على على أجمل المناظر الطبيعية. 19 غرفة وجناح فاخر ناطرينكن مع ترويقة ومشروب وفيو وقت المغيب وقعدة بالجنينة. ما في أجمل من الهروب عهيك محل بس بدكن تبعدوا عن المدينة والتلوث.

الرقم: 147 111 70

٢. أوتيل تشيري بلوسوم Cherry Blossom Boutique Hotel، بحمدون

بتعيشوا بهل بوتيك تجربة جبلية ساحرة. بيتميز بقعدة بين الجبال الخضرا وسطح قرميد أحمر. مكان بياخدكن على عالم كلو خضار وجمال من خلال الفيو المميز والبيسين، مع الجنينة ونسمات الهوا العليل.

الرقم: 770 129 71

٣. أوتيل بروفانسال Hotel Provençal، إهدن

بنص ساحة الميدان أوتيل حجر حلو كتير بيشبه القصور التراثية بكل تفاصيلو وبنفس الوقت بحسسكن بدفا وحنية بيوت الضيعة العتيقة. بيتمتع بديكور بسيط بس قريب للقلب، كل الأوض مجهزة بكافة وسايل الراحة والصبح بانتظاركن ترويقة مميزة.

الرقم: 040 561 06

٤. أوتيل دوما Douma Hotel، دوما

هل أوتيل رح يشعركن إنكن بشي ضيعة بإيطاليا بعيدة كتير ما حدا بيعرف فيها، عم تحققوا أحلامكن وتستمتعوا بالحياة. بيتمتع بمنظر مميز على بيوت دوما التراثية والجبال الخلابة. فيكن تتروقوا برا عالتراس وتتمتعوا بقدر كبير من الرواق والجمال وترجعوا تقضوا ليلة جبلية من العمر.

الرقم: 202 520 06

٥. أوتيل ليتوال دو لو L’étoile du Loup، جزين

هل أوتيل عبارة عن مجموعة بيوت مهضومة مغطاية بالقرميد الأحمر مع بيسين ومنظر خيالي. كل الأوض مجهزة بكل وسايل الراحة والإسترخاء، من الجاكوزي للمطعم المميز ضمن ديكور جبلي وأنيق.

الرقم: 425 781 07

شوفوا كمان، مطاعم بقلب الغابة: قعدة على البركة ونسمة هوا.