٤ مطاعم بقلب الغابة: قعدة على البركة ونسمة هوا

لأن بهل شوبات بيجي عبالنا قعدة بقلب الطبيعة لنحس بالهوايات عم بتنسم علينا من كل مطرح، رح نروح على قلب غابات لبنان ونتعرف على بعض أجمل هل مطاعم الموجودين ببلدنا الحلو.

١. جبلنا، الزعرور

هالمكان بقدملكن مساحة مميزة بقلب الجنينة لتستمتعوا وتقضوا نهار مميز مع أصحابكن. مش بس هيك، بقدملكن أطيب الأكلات الغربية والمشروبات مع قعدة بتطير العقل ومرجوحة بترد الروح. أما بالويك-أند يحضروا بوفيه طويل عريض لكل حدا عبالو ينسى حالو بالطبيعة.

الرقم: 616 776 71

٢. لا بيكاس La Bécasse، الشبانية

هالمكان عبارة عن بيت خشب قاعد بقلب الغابة، بيتميز بإطلالة رائعة أكيد رح تستمتعوا فيها مع الموسيقى الحلوة وتقضوا سهرة بالطبيعة وتاكلوا أطيب الأكلات.

الرقم: 792 491 70

٣. بيت الغابة La Maison de la Forêt، جزين

هل مطعم قاعد بأجمل غابة صنوبر وبقدم كل أصناف الأكل اللبناني. إذا عبالكن تستمتعوا بهوايات جزين الحلوين من محل رايق مع منظر مطل رائع ما إلكن غير بيت الغابة لتدوقوا المازة اللبنانية على أصولها وتسافروا بأفكاركن لبعيد وتسمعوا صوت الشجر.

الرقم: 222 800 07

٤. بيت الكابتن، زغرين

بهالمطعم لي موجود بأجمل غابات المتن فيكن تستمعوا في بالإضافة للأكل الشرقي الشهي بقعدة بتطل على الغابات والوديان، يعني منظر خلاب خاصة على الغروب.

الرقم: 867 811 03

شوفوا كمان، تعبانة نفسيتكن على الآخر؟ هاي المحلات رح تغيرلكن جو.