بيت ضيافة لطيف برجعكن على الزمن الجميل

اليوم قررنا المشوار يكون مميز ومهضوم بكسروان. لقينالكن بمنطقة ساحل علما مطرح مميز لتعملوا ذكريات ما بتنتسى مع أحبابكن. تعرفوا معنا على بيت ماريا La Maison de Maria، بيت ضيافة لطيف برجعكن على الزمن الجميل بكسروان.

بيت ماريا مكان بمنتهى الرواق والروعة، بياخدكن على بيت التيتا بأزغر التفاصيل وبيقدملكن تجربة تراثية. كل زاوية بهل بيت إلها حكاية، بتضيعوا باللوحات القديمة، الطناجر الزغيرة وصحون روميو وجوليت، ماكينة الخياطة، التحف المعلّقة، والمزهريات والقزاز الملون، قعدة على ريحة الورد المجفف وهدير ركوة القهوة على النار.

بقدملكن هالبيت التراثي 3 غرف نوم بجو مريح وبيتوتي مع شبابيك بتفتح على جنينة شجر وورد. بتلاقوا أوضة قعدة وسفرة خشبية جايي من الأفلام اللبنانية القديمة وأيام الأسود والأبيض. قعدة بتناسب العشاق وكمان العيل اللي حابين يبعدوا عن العجقة ويقضوا كم يوم مميزين.

مخبى بقلب بيت ماريا حديقة سرية واسعة، جنينة مغمورة بجمال الطبيعة والخضار. بتقعدوا على المرجوحة والهوا عم يغزل بين الشجر، بتدوقوا لقمة بلدية وأكل طازة من الأرض على كباية شاي غير شكل.

بتجربوا أكل تراثي بحضن الجنينة من تحت ديات الشيف ماريا، بوفيهات وأكل نباتي وأصناف شاي متنوعة وحلو بيتوتي، بتفيقوا على ترويقة لبنانية تقليدية مقدمة بكل حبّ وكرم وجو بيروق الراس بالطبيعة.

للمزيد من المعلومات أو الحجز، إتصلوا على 644 098 71 – 265 343 70.

شوفوا كمان، شاليه رومانسي نايم على البحر بالبترون