مهرجان صور الصيفي: نشاطات ترفيهية وأكل طيب (الدخول مجاني)

طالعين على صور بهل كم يوم؟ أخيراً ولأول مرة بالجنوب، وصل Street Festival على طريق صور البحرية ومحضرلكن مفاجآت حلوة ونشاطات مميزة.

حطوا عندكن على الرزنامة انو بتواريخ 17 و18 و19 و20 آب رح يضوي مهرجان طويل عريض شوارع وأسواق مدينة صور الأثرية. هيدا المهرجان ناطركن هل 4 أيام من الساعة 5 بعد الضهر حتى ال 12 بالليل والأحلى من هيك إنو الدخول مجاني.

حضروا حالكن لأحلى الأوقات، كيوسكات ومطاعم أكل وشرب من أكل الشارع والأكل اللبناني وكمان الأجنبي، كلو ناطركن مناطرة. بتتمشوا بقلب المهرجان وبتنبسطوا بفقرات تسلية لكل الأعمار مع حفلات موسيقى لايف، عروضات فنية، معارض منتجات ومونة لبنانية لأكتر من 100 مشروع محلي.

وما بتكمل الفرحة من دون الولاد، كرمال هيك الولاد عندن خص نص Kids Zone ليقضوا أروع الأوقات عم يلعبوا ويمرحوا ويحسوا بفرحة هل مهرجان.

ولعانة بصور هل كم يوم!

للمزيد من المعلومات اتصلوا على 420 004 81.

شوفوا كمان،٧ مطارح بتاخدكن على إيطاليا حول لبنان