كبة بشحمة وغدا فوق الغيم بهل مطعم بإهدن

ما في أحلى من الطلعة على الجبل بهل شوبات! قررنا اليوم نطلع بالسيارة وننطلق على منطقة إهدن لنخبركن عن مطرح جديد بقعدة خيالية بالمنطقة. تعرفوا معنا على مطعم السلمنكي عبارة عن مطعم جديد فوق الغيم بأعالي إهدن.

تخايلوا قاعدين عم تتغدوا مع الغيوم؟ مطعم السلمنكي بيقدم قعدة من الأحلام على حفة الجبل بضيعة إهدن الشمالية، مكان بحسسّكن إنكن معلقين بالسما ورحتوا على عالم تاني. مطعم مميز لجمعة حلوة مع العيلة، غدا رومانسي مع الشريك، عشا شغل، وقعدة مع الأصحاب، مطعم يبناسب الكل.

المطعم بيتميز بقعدة تراس بالهوا الطلق على الجبل، بتتفرجوا منها على الغيوم، غروب الشمس الساحر، والطبيعة الجبلية بربوع إهدن. الحلو انو المطعم قريب كتير على كنيسة سيدة الحصن، وحدة من أبرز المعالم الأثرية بشمال لبنان ومن أجمل المواقع السياحية والدينية لتتفرجوا على المناظر اللي بتاخد العقل وتاخدوا أروع الصور. يعني بتقضوا نهار مميز بالمنطقة، وبتجربوا أكل طيب من السلمنكي لتكمل ضهرتكن بالشمال.

مطعم السلمنكي بيقدم أطباق لبنانية وإهدنية مميزة. مازة مميزة من حمص راس عصفور، وبطاطا بكزبرة، مقانق وسجق مع دبس الرمان، وشو ما يخطر عبالكن. السفرة مليانة ومشكلة بأطباق لبنانية تراثية ومزينة بجاط فتوش وتبولة غير شكل.

وضروري تجربوا أقراص الكبة بشحمة على أصولها، وكل الأطباق الشمالية مقدمة بكل كرم وشطارة وفنية.

للمزيد من المعلومات أو الحجز، إتصلوا على 700 215 70.

شوفوا كمان، ٧ مطارح بتاخدكن على إيطاليا حول لبنان