مطعم ديارنا الخضرا: قعدة خيالية فوق النبع بالشوف

عبالنا اليوم لقمة طيبة وقعدة غير شكل! ما في أحلى من إنو نطلع على منطقة الشوف بهل شوبات ونجرب قعدة بتبورد القلب. خلونا نعرفكن على مقصدنا اليوم، مطعم ديارنا الخضرا بيستقبلكن على قعدة خيالية فوق النبع بالشوف!

مطعم ديارنا الخضرا عبارة عن مطعم جبلي بيتميز بأصالة التراث واللقمة البلدية والقعدة الرحبة، مكان روعة لتهربوا عليه بالصيفية. بيتميز هالمطعم عندو تراس خيالي فوق نبع الصفا بالشوف، على صوت الميّ الجارية ونافورة الميّ. قعدتو بالهوا الطلق بتناسب العيل والجمعات الكبيرة والعزايم وكل حدن عبالو يغير جو ويهرب على الجبل.

التراس مغمور بالخضار المعلّق، يعني ديار خضرا اسم على مسمى. بتقعدو بين الشجر والورد الملون، مغمورين بالطبيعة والهوا الحلو، بتتفرجوا على الميّ الصافية من النبع وبتنبسطوا على قعدة بين نوافير الميّ وبحضن جمال الطبيعة.

مطعم ديارنا الخضرا معروف بكرم الضيافة وسفرة غنية على مد نظركن. بيقدم اطباق لبنانية بكل أصالة وشطارة، مشاوي غير شكل، جاط فتوش وتبولة طازة، مازة على أنواعها من حمص وورق عنب ومتبل، وقصص كتير طيبة. بتجربوا طبق اللحمة النية عندو، مقّدم بكل جمالية ومنظره بيشهي، وقدامكن منظر من الحلم!

تخايلوا معنا هالمشهد، قعدة على صوت النبع بترد الروح، ولقمة لبنانية أصيلة مع كاس عرق غير شكل. فواكة موسمية ملونة وطازة بتزيّن السفرة لتستمتعوا بتحلاية مميزة على هالقعدة الحلوة.

للمزيد من المعلومات أو الحجز، إتصلوا على 453 295 70 – 000 230 05.

شوفوا كمان، ١٧ من أفضل المطاعم الصيفية بالجنوب