كورنيه الأناناس: اختراع جديد ولذيذ من هل محل

المغامر لي جواتنا كتير محمس يجرب هالبوظة الغريبة عند رشيد عطا. عبالكن تعرفوا شو هي؟ كفوا معنا لنخبركن عن هل اختراع لي كتير كبير وبشهي.

يلي بحب الأناناس ويلي بحب البوظة صار في يدوق أطيب إختراع بيجمع التنين سوا.

كورني الأناناس: بوظة بقلب أناناس بتلاقوها بس عند رشيد عطا بزحلة.

يعني محل كورني البسكويت صار في أناناس… ما في شي أطيب من لقمة بوظة مع شقفة أناناس.

تخايلوا معنا: وحدة أناناس محشية بوظة على ذوقكن ومغطاية بالسبرينكلز.

فيكن كمان تغطسوها بشقف الأناناس وبكرزة على الوج لأصحاب الضرس الحلو.

رشيد عطا إشتهر ببوظتو لي غير شكل ومحلو لي صرلو 70 سنة فاتح ويلي كانت الناس تقصدو من آخر الدني.

هل محل بيعمل نوعين بوظة: عربية إيطالية وكمان ميري كريم على كذا طعمة.

البوظة العربية كتير طيبة ومنا دلعة ابداً، أما البوظة الطليانية فيها كتير طعمات غير النكهات العادية متل الكيندر بوينو، التيراميسو، التشيز كايك والنعنع.

ومش ضروري تاكلوا بوظة لتتحلوا، فيكن تطلبوا كوكتيل أو كباية ليموناضة أو وافل وكريب محشيين شوكولا.

بوظة هيدا المحل بتتميز إنها شغل إيد، إنتو وواقفين بيعملولكن ياها وعذوقكن بتنقوا النكهة لي بتحبوها والإضافات لي بتشتهوها.

العنوان: زحلة، حوش الأمرا، الطريق العام
الرقم: 433 824 08

شوفوا كمان، لما الكوكتيل والبيتزا يجتمعوا، بيطلعلكن هل محل.