شو مشاريعنا

تعبانة نفسيتكن على الآخر؟ هاي المحلات رح تغيرلكن جو

بهل الشوبات كلنا بحاجة لحتى نطلع شوي من البيت و نبعد عن المدينة ونكزدر شوي قبل ما تخلص الصيفية، لهيك جمعنالكن ٧ محلات مثالية لقضاء وقت حلو بالصيفية بصحبة الطبيعة والبحر والأكل الطيب.

١. أوتيل دوما، دوما

أوتيل الغريب مخبى بقلب الضيعة بيشبه قصر الأحلام، رح يخليكن تحسوا حالكن قاعدين بشي برج قديم. عندو أوض من كل الأحجام وكلها عندا فيو حلو والترويقة الصبح بتجنن. عندن كمان تراس شرح ومطعم بطل على المناظر الخلابة وبيوت القرميد.

الرقم: 202 520 06

٢. ريف إهدن، إهدن

هل مطعم عندو قعدة بتطير العقل فوق الجبل وبحضر لقمة بيتوتية بتفوت على القلب. بتطلعوا بتقضوا نهار بإهدن وبتاكلوا لقمة طيبة بمحل رواق وبتشوفوا المغيب من هل نقطة المميزة.

الرقم: 434 337 70

٣. ديمان سور مير Diamant Sur Mer، خلدة

بيسين وبحر ولا أروع من هيك لكل لي عبالوا يقضي نهار على البحر بمحل مش بعيد عن بيروت بس بنفس الوقت بعيد عن العجقة. فيكن كمان تستأجروا بانغالو وتقضوا ليلة مهضومة بتروق الأعصاب.

الرقم: 904 695 03

٤. ذا لوست كايف The Lost Cave، قرطبا

ما في شي متل قعدة بالطبيعة على النهر الجاري. هل محل عبارة عن مغارة مخباية بقلب الطبيعة على النهر، بتناموا على صوت المي والشجر والعصافير في. ليلة وحدة بهل مغارة بتحسوا حالكن سافرتوا عغير بلد!