أجمل بيوت ضيافة ناطرتكن بحضن البقاع

عبالكن نطلع نقضي كم يوم غير شكل بطبيعة البقاع؟ ما بتكمل الصيفية من دون مشوار على ربوع البقاع الغربي. خلونا اليوم نتعرف على أجمل بيوت ضيافة ناطرتكن بحضن البقاع.

1. Al-Khan El Makssoud Ecolodge – تعنايل

الخان المقصود بيقدم بيوت ضيافة بجو ريفي مميز وقعدة بقاعية على أصولها. بيوت بتاخدكن على الضيعة والتراث، بتعيشوا هالأجواء بكل تفاصيلها، من الديكور القديم، قعدة الجنينة تحت الشجر، واللقمة البلدية. كمان عندن مطعم بقعدة تراثية وأكل بقاعي طيب ضروري تجربوا بتعنايل.

الرقم: 279 124 03 – 881 544 08

2. Great Escapes – زغبين، بحيرة القرعون

فيلا Great Escapes عبارة عن فيلا مميزة قاعدة على التل بضيعة زغبين وبتقدم إطلالة ساحرة الجمال على بحيرة القرعون الزرقا وسهول البقاع. بتلاقوا بقلب الفيلا جنينات ورد وشجر على مد نظركن، مسبح بيطل على البحيرة، تراسات بالهوا الطلق من أعالي الجبل، وقعدة بعيدة عن العالم.

الواتساب: 0046737251993

3. Jardin de bassil – عنجر

هالبيوت الضيافة غير شكل لجو العيلة والولاد بعنجر. كل بيت بيتميز بغرف مودرن ومرتبة، جنينة واسعة مع إطلالة ساحرة للجبال والطبيعة البقاعية، ملعب للولاد ليقضوا وقت حلو، مشواية لتعملوا غدا طيب، وقعدة روعة بالطبيعة.

الرقم: 670 202 70

4. Layali Al Shams Hotel – عنجر

أوتيل ليالي الشمس بيستقبلكن على ليالي بتضوي عنجر. أوتيل قاعد بين البساتين، عندو مسابح روعة للصيفية، مطعم بأكل بقاعي طيب، وبيوت خشب مخباية عن العالم لتقضوا أحلى أوقات وأحلى صيفية هالسنة.

الرقم: 600 622 76

شوفوا كمان، ١٧ من أفضل المطاعم الصيفية بالجنوب