أجمل قعدة بالطبيعة بهل-٥ مطارح هالصيفية

عبالكن نتمشى بالطبيعة، نفرش الحصيرة، ونعمل بيكنيك مهضومة؟ خلونا ندلكن على أجمل قعدة بالطبيعة بهل-٥ مطارح هالصيفية.

1. جبلنا، الزعرور

هالمطعم بيقدم قعدة بحضن جنينة من الورد الجوري، تراس بالجبل وقعدة بترد الروح. بيقدم أكل طازة من الأرض، وعندو قعدات بالجنينة وكمان على المرجوحة كتير رومانسية وحلوة.

الرقم: 616 776 71

2. جنينة ياسمينة، الباروك

عبالكن قعدة على صوت الميّ الجارية وقدامكن منظر نهر الباروك؟ جنينة ياسمين بتقدملكن قعدة مميزة بالصيفية، بيوت جبل، مسبح بالجنينة، وأحلى جو بالطبيعة.

الرقم: 505 255 70

3. جنينة رفانيا – نهر الدهب، كسروان

جنينة بالجبل بتتميز بقعدات روعة، سهريات تحت النجوم، أكل إيطالي ولبناني إستثنائي. مميزة لجمعات مع الأصحاب أو بيكنيك رومانسية بالطبيعة.

الرقم: 277 142 03

4. Jana Bio Farm، عجلتون

مطعم جنى بيقدم أكل طازة من المزرعة، المونة البلدية، اللحمة النية، ولقمة مشاوي غير شكل مع عرق بلدي. بتقعدوا وبتحسوا حالكن قاعدين بجنينة البيت بالضيعة والهوا عم يلعب لعب بين البساتين والكروم.

الرقم: 100 235 70

5. بيت الكابتن، زغرين

بيت الكابتن جوهرة مخباية بحضن صنوبر زغرين. بتلاقوا قعدة بالطبيعة ساحرة بين شجر الصنوبر والسنديان، الهوا بيغزل غزل بين الشجر وكل لقمة أطيب من التانية! مطعم فريد لقعدة ساحرة بحضن الغابة.

الرقم: 867 811 03

شوفوا كمان،٥ محلات رح تحسسكن إنكن سافرتوا من لبنان