الروكا مارينا بتجربة إستثنائية: جزيرة يونانية وكهف على البحر

عبالكن تجربة مميزة وإستثنائية هالصيفية؟ منتجع الروكا مارينا مولّع الموسم بأجواء حماسية وحلوة، بتخلي تجربتكن مميزة لتقضوا أحلى صيفية هالسنة. تعرفوا على الروكا مارينا بتجربة إستثنائية هالصيفية: تجربة الجزيرة اليونانية.

مشهور منتجع الروكا مارينا بالمسابح على البحر اللي بتتميز بالجو اليوناني اللي بياخدكن على جزيرة سانتوريني. وهلق صار فيكن تعيشوا تجربة الجزيرة بكل تفاصيلها! زيادة على شط شكا، صار عندن جزيرة بقلب البحر ناطرتكن تولعوها هالصيفية.

من المسابح البيضا والزرقا وأجواء المنتجع المفرفحة، للمهرجانات والسهرات والموسيقى اللايف والأكل الطيب بقلب الجزيرة، رح تقضوا أحلى الأوقات مع أصحابكن.

والحلو انو فيكن تكفوا السهرة بواحد من الكهوف الفاخرة El Mayan Cave اللي بحسسّكن إنكن عنجد باليونان! الكهف مزين بالألوان الأزرق والأبيض، النفس البحري، الجو الرومانسي والرايق، الجاكوزي، والتراس اللي بيطل على جمال البحر. مكان مميز وساحر الجمال للعشاق ليقضوا أحلى الأوقات الخاصة.

للمزيد من المعلومات أو الحجز، إتصلوا على 444 714 81.

شوفوا كمان، مطعم بياخدكن على جزر باروس اليونانية من شط عمشيت