تاريخ منطقة الجميزة: من اسمها لأسوأ مجرميها

أطول شارع ببيروت، ومن أجمل الأحياء بالمدينة، منطقة الجميزة المحبوبة مخباية كتير قصص وأسرار، تعرفوا عليها بحلقة جديدة من “الذاكرة الجماعية” مع طارق كوّى.

اليوم بدي احكي عن منطقة البيارة: البيارة جمع آبار هيدا كان اسم الجميزة من قبل والجميزة اكيد اخديه اسمها من الجميز كان فيها جميز كتير بس كان فيها جميزة كبيرة ووحدة وكانت معروفة هالجميزة بقصتين: وحدة من القصص كانت انه كان في حاكم يجي يقعد تحتها وفي مرة امر الحاكم بكسرها، بقص هالشجرة وتحطيبها…والقصة التانية وهي الأصح كان يقعد تحتها واحد من اشهر قبضايات الجميزة اسمه الاسطا باز كان يحطه ويقعد تحتها وبيجي لعنده واحد من بيت الصمدي بيقله مشروعي انه اعمل قهوة هون. الأسطا باز وافق وقله الحكي حكي رجال وهيك تأسست قهوة الجميزة.

هلا نرجع شوي بالزمن بال1845 فتتحوا خط الترين تبع بيروت-الشام، وهيدا مرق بالجميزة وكان له تأثير كتير قوي لازدهار المنطقة، بالاضافة انه الترامواي كان يمرق بالجميزة بالاضافة انه موقع الجميزة صار الشارع الاساسي او الممر الاساسي للشمال. حطهم كلياتهم سوا صار عندك ازدهار بالمنطقة، هالازدهار انعكس على اهل الجميزة. يعني الناس اللي كانوا ساكنين بالجميزة صار فيه هالازدهار صار فيه وفرة، هالوفرة دفعتهم يطلعوا للاشرافية ويعمروا بيوت بالاشرافية وبيوت الجميزة القديمة، استأجرواها ناس نازحين من الجبل.

والجميزة او شارع الجميزة من اطول شوارع بيروت، والجميزة ما في شي اسمه منطقة الجميزة هي عبارة عن قطع من اربع مناطق يعني: المرفأ، الصيفي، الرميل، والمدور. واول شي بيخطر على بالك لما تقول الجميزة درج الجميزة او درج مار نقولا. بس الجميزة مشهورة باشهر بكتير اشياء اكتر من الدرج بس: المدارس عندك مدرسة السان فامي، الفرير، ثلات قمار… المسرح: اول مسرح بالشرق مسرح مارون نقاش بالجميزة، نادي الريسنج بالجميزة، نادي الاولمبي السباحة اول نادي سباحة باللبنان، كمان بالجميزة.

وعلى سيرة الدرج يحكى بالحرب العالمية الاولى انو السكان يطلعوا على راس الدرج تبع مار نقولا ليشوفوا ايمتى رايح وايمتى جاي جمال باشا

اللي بهيداك الوقت سكن بقصر ليندا سرسق بالجميزة. كانوا المنجدين ع مد النظر وكانوا يعملوا جران بالحجر وكانوا يعملوا فحم وكانوا بالجميزة كمان يعملوا صابون مشهور وكان معمل الشوكولا بالجميزة هو يعمل الشوكولا للقصر الجمهوري على أيام بشارة الخوري. والمعروف ان اكترية الاملاك بمنطقة الجميزة هي ملك لليدي كوكران يعني ل ايفون سرسق. ومن السكان المشهورين تبع المنطقة عم تحكي ب أدمون الزعني، رفيق حبيقة، سميرة توفيق، سامي خياط… واهل الجميزة لهلق بيعتبروا حالهم كلهم عائلة وحدة.

ومن نوادر منطقة الجميزة كان في واحد من بيت حداد. كان هيدا يساعد كل الحكما يلي عم يتعلمو بالجامعة الامريكية على التشريح. فكل ما يموت واحد ياخدلن الجثة عشية، يشتغلو بالتشريح الصبح يرجع الجثة ويدفنوها. هلا صار مرة انو اخد جثة متل العادة وصلها عالجامعة الامريكية وقف برا ناطرن ليخلصو وإذ بيطلع واحد من التلميذ بقلوا يا عمي شو جايبلنا واحد عايش هيدا مفحم منو ميت. بهالوقت كانت العزاء عند الزلمي هيدا ببيته شغال، يعني كلياتن زعلانين وعم بيبكو…بياخدو بيرجعو معو بالسيارة وبيخليه قاعد بالسيارة بفوت لعندن، طبعا كلياتن عم بيبكو وعزا… وبقلن: شو بتدفعوا اليوم اذا برجعلكن فلان؟ والحصيلة انو قبض خمس ليرات عثمللي.

وكما منذكر من اسوأ المجرمين بتاريخ لبنان فيكتور عواد كان بياع فحم بالجميزة.