جنينة رفانيا: بيكنيك بالجبل ولقمة بلدية بالهوا الطلق

عبالكن ضهرة حلوة وقعدة مميزة هالصيفية؟ خلونا ناخدكن مشوار على مطرح كتير مهضوم صوب نهر الدهب بكسروان لازم تجربوه. مشوا معنا على جنينة رفانيا بتستقبلكن على بيكنيك بالجبل ولقمة بلدية بالهوا الطلق.

جنينة رفانيا بتستقبلكن على قعدة تراثية بجنينة كبيرة ومهضومة بالجبل. مكان كتير حلو لتقعدوا وتسرحوا بمناظر الجبل بين الغيوم. جلسة بتاخد العقل بين نسمات الهوا وريحة الأرض والزرع، بتناسب كل محبي الطبيعة وقعدات الرواق بين نسمات الهوا والنفس الجبلي.

جنينة رفاينا مكان مميز لكل جمعاتكن الحلوة. بتحتمعوا مع أصحابكن على أجمل سهريات تحت ضو القمر، أو بتلتقوا مع الحبيب على بيكنيك رومانسية بالطبيعة. أديه حلوة تجربوا هالقعدة بالصيفية؟

بتقدروا تنبسطوا بسهرات نار وأجواء لزيزة حتى تسردوها مع النجوم، أو تجتمعوا على الأطباق المميزة تحت الأضوية الخافتة بالجبل. بتعملوا ذكريات ما بتنتسى، بتاخدوا أحلى الصور، وبتقضوا أحلى الأوقات. عندن قعدات من العمر ومناظر جبلية من الأحلام.

كمان جنينة رفانيا عبارة عن مطعم بالهوا الطلق بيقدم أكل بلدي وطازة من الجنينة. بيقدموا مأكولات ومنيو إستثنائية، أطباق بتجمع بين المطبخ الإيطالي واللبناني متل طبقن المشهور السباغيتي باللقطين، كمان بيعملوا البوفيهات المميزة من الباستا والسلطات والخبز البيتوتي والبطاطا المشوية والصاج والناتشوز. عندن مشروب وكوكتيل مميز ومعمول من خلطات بتخلي سهراتكن أحلى وأحلى.

للمزيد من المعلومات أو الحجز، إتصلوا على 277 142 03 .

شوفوا كمان، مطعم بياخدكن على جزر باروس اليونانية من شط عمشيت