لوين المشوار اليوم؟ ع فاريا عند إم رزق الله

تعودنا بموقعنا نخبركن عن جواهر مخفية بلبنان… ماهيك؟ خلونا لكن نغني اليوم: مشوار رايحين مشوار… نبرم فاريا بنهار… يلا على الطيب يلا!

أكيد ما في أجمل من السياحة الصيفية والإستمتاع بالبرودات والهوايات وكيف إذا كان تمضية نهار كامل بفاريا يلي تعتبر مقصد دايم لعشاق الهدوء والسكينة والبرود حول الشجر والوديان ويلي بزيدا جمال المطاعم والكافيهات المميزة.

القعدة الحلوة ما بتكمل إلا مع منظر حلو، وهيدا الشي رح بتلاقوا عند قعدة إم رزق الله.

بتوصلوا على هل مطعم وبتصفوا السيارة وبتنزلوا بتشموا هوا نضيف بروقلكن بالكن على الآخر.

للصيفية والقعدة الجبلية حكاية خاصة بفاريا وهالمكان كتير مميز ورائع لتقضوا نهار مع العيلة وتستمتعوا بأجمل إطلالة على الجبال الخضرا والمناظر الرائعة.

إم رزق الله قاعد ع كتف الوادي وجاهز يستقبلكن بأي وقت بتحبوا بكراسي الملونين وديكورو الخشبي القديم برموش العين.

شو الأكل؟ بقدم سفرة لبنانية على أصولها، من المازة للمشاوي للصاج… يعني فينا نقلكن عندن القعدة “سرود ع برود” – أطيب مناقيش عالصاج مقرمشة وعجينة ولا أطيب من قاورما ولبنة وجبنة وزعتر وغيرها.

وما تنسو المازة الشهية والبطاطا المشوية والخبز الصاج السخن يلي ريحتوا بتكون عافة بكل المكان وما بتكمل الجلسة إلا بصوت فيروز وأغانيها يلي بتسمعوها بكل الأوقات.

الطاولات مزينين بالورد الأحمر والزهر، كنبياتن من سنة ألف وتسعمية وخشبة ع حسب قولن بس بريحو الجسم والضهر على الآخر.

لي بدو بيلعب دق فرنجييه أو محبوسه ولي عبالو بياخد نفس أرغيلة أو بلقمش منقوشة مع فتة، فول ومشاوي وسلطة جبلية لي هيي إختصاص المحل: شي بفرفح القلب بهالصيفية.

زيدوا على السلطة صحن لبنة حراجلية بتوم مع زيتون ونعنع وخبزة صاج.. شي ولا ألذ من هيك.

وبترم العصرونية، تفضلوا ع منقوشة زبدة وسكر وكاسة شاي ما بيشكو من شي.

عندن فيكن تجتمعوا ع الصبحية على فنجان قهوة أو كاسة شاي أو ع أحلى مسوية نهار الأحد عشية بس تغيب الشمس ويطلع القمر ع الشجرة.

وإنتو وضاهرين ما تنسوا تجربوا القعدة على كنباية الملك والملكة مطرح ما بتلاقوا الوادي تحتكن وتاخدوا صور تذكارية وتسرحوا وتغمضوا عينيكن.

شو بدنا نحكي عن هل محل لنحكي، خلص الحكي بقي عليكن تجربوا… المنظر من عند إم رزق الله بيسوا ١٠٠ من غير بلاد، تأكدوا إنو تتصلوا في وتحجزوا طاولة قبل بوقت على 327 444 03.

شوفوا كمان، رومانسية وغرام: مشوار على أجمل المطاعم على البحر.