تعرفوا على بيت الشجرة المخبى بطبيعة صيدا

بتحبوا القعدات المميزة بالطبيعة؟ من أجمل التجارب بموسم الصيفية هيي المشاوير والقعدات بالطبيعة، كرمال هيك جبنالكن مطرح كتير مميز بصيدا. تعرفوا معنا على بيت الشجرة المخبى بأحضان الطبيعة بمنطقة عين الدلب.

إذا عبالكن تجربة مهضومة بالطبيعة، كل اللي عليكن تميلوا على بيت الشجرة بعين الدلب بصيدا. بيت من خشب مخبى بأحضان الشجر والطبيعة، بيطل على مناظر بتاخد العقل وبحسسكن إنكن بعالمكن الخاص من الجمال والرواق. وبالسهرة القعدة غير شكل مع الأضوية الخاقتة وعلى ضو القمر!

بيت الشجرة بيتميز بمسبح مهضوم وقعدات جنب الميّ لتقضوا وقت روعة هالصيفية عم تسبحوا وتنبسطوا مع أحبابكن. مطرح مميز لجو العيلة أو الأصحاب ونهار كامل من البسط واللعب.

عندن قعدة تراس بتاخد العقل لصبحيات على صوت العصافير مع فنجان قهوة. أمّا القعدة بالجنينة رح تسحركن بالمناظر الحلوة والراحة النفسية والفرحة اللي رح تدخل على قلبكن. وإذا عبالكن لقمة مشاوي، بتلاقوا كل شي ممكن تحتاجوا من شواية وقعدة سفرة لغدا مميز مع العيلة.

بيت الشجرة مزين بالورد الملوّن وعندو قعدة رومانسية كلها رواق وخصوصية. بتقدروا تقعدوا على المرجوحة وترخوها كل النهار مع نسمات الهوا الحلوة، أو تكفوا أحاديثكن على البلكون. ومن جوا بيتميز بقعدة مريحة بتطل على المناظر الساحرة بعين الدلب.

للمزيد من المعلومات أو الحجز، إتصلوا على 547 720 71.

شوفوا كمان، مشوار على أطيب ٤ مطاعم زحلة هالصيفية!