ببلاش وللعموم: ١٠ شطوط وبحور مجانية بلبنان

اليوم عملنا جولة على الشطوط والبحور بلبنان يلي ما في لزوم ندفع فيها دخولية وتكون نضيفة والقعدة فيها مميزة. البعض فيها مطاعم يعني بدكن تاكلوا وترجعوا تنزلوا على البحر والبعض الآخر شطوط عامة شعبية مفتوحة للجميع.

جاهزين نبلش جولتنا؟

١. جوينينغ بيتش Joining Beach، كفرعبيدا

الدخول: مجاني

فيكن تجوا مع أصحابكن وعيلكن وتمدوا المناشف على الصخور وتستمتعوا بمي وشمس البترون الروعة

الرقم: 492 517 03

٢. شط كفرعبيدا الشعبي، كفرعبيدا

تعرفوا على هل الشط المميز بكفرعبيدا مطرح ما بتلاقوا مغاور مخباية بقلب البحر

٣. شط Pierre and Friends، البترون

الدخول: مجاني

ما إلكن غير تتوجهوا على هل مطعم لتستمتعوا بالأكل الطيب وترجعوا وتغطسوا حالكن بالمي

الرقم: 930 352 03

٤. شط كولونيل ريف، البترون

الدخول: مجاني

فيكن تستمتعوا بالبيرة الطيبة وبشمس البترون الروعة وجمال المي لي بتبورد القلب

الرقم: 543 743 03

٥. شط صور، صور

الدخول: مجاني

هل شط بيتميز بالمي النضيفة والقعدة المميزة على طول الشاطئ مع الشماسي الملونة والرمل

٦. أولا، جبيل

الدخول: مجاني

أولا عبارة عن شط عام فيكن تزوروا مع العيلة والأصحاب لتقضوا أحلى أوقات سوا

لتعرفوا تفاصيل أكتر عن هل محل، اضغطوا هون

الرقم: 955 900 81

٧. جزيرة الأرانب، طرابلس

الدخول: مجاني

عيشوا تجربة جديدة بطرابلس وطلعوا بالشخطورة وتوجهوا على جزيرة الأرانب لي بتتميز بالرمل الأبيض

٨. مطعم دانيز بيتش Dany’s Beach Restaurant، البترون

الدخول: مجاني

هل مطرح عبارة عن مطعم مميز بقدم أكل بحري وفيكن تنزلوا من عندو على البحر ببلاش

الرقم: 825 929 03

٩. تحت الريح، أنفه

الدخول: مجاني

فيكن تزوروا هل محل لي بيشبه سانتوريني اليونانية وتنقوا تاكلوا عند المطاعم الموجودة وترجعوا تعملوا سبحة غير شكل

الرقم: 117 788 70

١٠. شط الناقورة

الدخول: مجاني

من أجمل الشطوط الموجودة بلبنان ومعروف إنو المي كتير نضيفة هونيك وحتى ما في كتير عجقة

شوفوا كمان، هيك أسعار الفراريج عند أشهر المحلات بلبنان.