أجمل قعدة بالطبيعة بحضن بكاسين بهل-٣ مطارح!

ضيعة بكاسين من أجمل الضيع اللبنانية اللي بتتميز بأروع غابات الصنوبر والطبيعة الخلابة، وما في حدا بيمرق على منطقة جزين من دون ما يزور هالضيعة القديمة. ولأنو منحب نخبركن عن أحلى الضهرات وأجمل الأماكن، قررنا اليوم نروح مشوار مميز لنكتشف بكاسين. لقينالكن أجمل قعدة بالطبيعة ببكاسين بهل-٣ مطارح!

1. طاحونة حبّو بكاسين

هالمطرح عبارة عن طاحونة تراثية من سنة ال 1823، مخباية بجلال بكاسين بين شجر الصنوبر والزيتون وبتتيمز بعمار الضيعة القديم والقعدة بالطبيعة. طاحونة حبّو بتستقبلكن على أجمل عشوات وليالي وسهرات مع موسيقى لطيفة ببكاسين!

الرقم: 239 085 76

2. بيت الغابة La Masion de Foret

عبالكن غدا طيب بنص الغابة؟ أو نومة بين شجر الصنوبر؟ مشوا معنا على بيت الغابة La Maison de La Forêt عندن مطعم بأغنى وأكرم سفرة لبنانية، المازة عندو كتير مميزة، المشاوي على أصولها، والسلطة بتاخد العقل! عندن بيوت بقلب الغابة بتستقبلكن على أحلى قعدة بالطبيعة الخلابة!

الرقم: 222 800 07 – 252 828 78

3. مطعم زهردة

مطعم زهردة عبارة عن مطعم جديد مخبى بين شجر الصنوبر بأحضان بكاسين، بيتميز بالجلسة الرايقة بحضن الغابة، قعدة بالطبيعة الساحرة، القعدات الملونة اللي بتفرفح القلب، والسهرات المميزة تحت شجر الصنوبر. بيقدم منيو متنوعة من أكل عالمي و مشروبات بخلطات طبيعية وكمان موسيقى لايف لأحلى سهرة بالغابة!

الرقم: 382 184 76

شوفوا كمان، ١٦ مطعم بقعدة مميزة جنب النهر حول لبنان