١٧ شغلة بيعملوها اللبنانية بالشوب

كلنا منحب الصيفية ما عدا شغلة وحدة بالصيفية: الحرارة العالية والشوب. خلينا نخبركن عن القصص لي بيعملها كل لبناني بس تشوب الدني وتصير الحرارة 40.

١. بتحطوا الvap بكل البيت لأن البرغش بكون متلا الدني

٢. المروحة بتكون دايرة 24 ع 24

٣. حشرات وين ما كان ولي بيفتح المنخل بياكل بهدلة

٤. الكل معن هل مراوح وعم بهوا كل الوقت

٥. الكل عم بنق على الشوبات

٦. علبة الbaygon عطول حدكن

٧. بيجي عبالكن بوظة على تلج كتير

٨. كل النهار عم تشربوا مي ورد أو شراب التوت مع تلج

٩. الكل عم بربزب منو العرق

١٠. الكل لابسين بروتيل وحاطين منشفة حدن ليمسحوا العرق

١١. كل جمعة في نزلة مرة أو مرتين على البحر

١٢. الكل لابس مشاية بإصبع

١٣. عطول حاطين جاط لوز وعم تفقوا

١٤. بتنطروا مناطرة كهربة الدولة لتدوروا ال AC

١٥. بس تروح الكهربا بتطفوا الAC وبتسكروا الباب ليبقوا السقعات جوا

١٦. أطيب شي عندكن بس تاكلوا كوكتيل شقف

١٧. بتقضوها صحن بطيخ رايح وصحن بطيخ جايي

إنتو شو عم تعملوا بهل شوبات؟ خبرونا!

شوفوا كمان، أسعار الدخولية على أشهر البيسينات بالجنوب.