دير القمر هل ويك-أند: مهرجان صيفي وموسيقى وأكل وألعاب (الدخول مجاني)

لوين رايحين هل ويك-أند ؟ وصل Street Festival على ساحة دير القمر وجايبلكن معو مفاجآت كتير حلوة ومهضومة.

متل العادة رح تلاقوا كيوسكات ومطاعم أكل وشرب مصفوفين على طول الطريق من الساعة 5 بعد الضهر للساعة 12 بالليل.

رح تتمشوا بالضيعة وتتفرجوا على الكيوسكات وتسمعوا موسيقى وتحسوا بفرحة المهرجان وأهم شي تدوقوا الأكل الطيب والقصص لي ما بتلاقوها ببيروت والمنتوجات لي شغل ولاد المنطقة بيعملوها كتير طيبة.

شو الحلو كمان؟ إنو الدخول مجاني، يعني بتصفوا سيارتكن وبتنزلوا بتتمشوا وبتغيروا جو.

الولاد كمان رح يكون إلن حصة كبيرة، رح يتسلوا كتير لأن في Kids Zone مخصصة بس للولاد رح ينظموا ألعاب ونشاطات مسلية.

فإذا عبالكن تقضوا وقت حلو مع عيلتكن أو مع أصحابكن بمنطفة جبلية كتير حلوة وقريبة، مننصحكن تهربوا من شوبات بيروت هالويك-أند وتطلعوا عدير القمر.

لهيك، كونوا كتار واستفيدوا من أحلى إيام تموز!

للمزيد من المعلومات اتصلوا على 420 004 81

شوفوا كمان، تعرفوا على هالفندق يلي نايم على البحر بجبيل.