بيكنيك على ضو القمر وتحت النجوم: مفاجأة ناطركن عند هالمحل

جنينة رفنيا محل ساحر بقلب الطبيعة بمنطقة نهر الدهب بكسروان، بعيد عن ضجة وعجقة المدينة، بيتمتع بمنظر بياخد العقل وقعدة بترد الروح.

وهالسبت محضرلكن مفاجأة حلوة كتير… بيكنيك تحت النجوم وعلى ضو القمر.

بس توصلوا عند جنينة رفنيا تحسوا بالسحر الموجود والجمال يلي بتعجز الكلمات عن وصفو: شجر، طاولات وكراسي خشب، حجر عتيق، جنينة، منظر رائع، قعدة ببرودات الشجر، مشروب وعصير، ورود وأكل كتير طيب.

عم تخايلوا منظر المغيب… لوحة فنية !

هل محل رح بقدملكن هل سبت 3 خيارات للبيكنيك مليانين أكل طيب: الخيار الأول هوي عبارة عن سلة سما بسعر 35$، الخيار التاني هوي سلة ياسمين بسعر 40$ والخيار التالت هوي سلة عريش بسعر 60$ وأكيد كافيين لشخصين.

كل الأكل معمول على الإيد والكميات كبيرة وكريمة مع تحلاية غير شكل وفواكة وخضرا محوشين من الجنينة دغري. كل سلة بيطلع معها قنينة نبيد كمان.

تخايلوا قاعدين هل قعدة بالطبيعة، مادين إجريكن وعم تلقمشوا أطيب أكل.

هل بيكنيك فيو يكون كمان المفاجأة الرومانسية يلي عم تحضروها لحبيبكن! رح فيكن تاخدوا أحلى الصور سوا وتعملوا أحلى ذكريات.

للمزيد من المعلومات اتصلوا على 474 098 70

شوفوا كمان، ٥ بيوت ضيافة لتقضوا شهر عسل من دون ما تسافروا.