أرصون فيلدج: منتزه للعيلة ونشاطات مميزة بأحضان الطبيعة

عم تفتشوا على مطرح مميز للعيلة بأحضان طبيعة المتن؟ اليوم رح ناخدكن على مكان رايق ومخبى عن العالم! رح نمرق بدروب المشي، فوق الجسور والطواحين القديمة، بين شجر الصنوبر والسنديان ونوصل على منتزه أرصون فيلدج.

متنزه أرصون فيلدج عبارة عن متنزه كبير للعيلة والولاد بحضن غابات الصنوبر بضيعة أرصون. هالمنتزه مميز لمحبي الطبيعةوالمغامرة، وكمان للعيل اللي حابي تغير جو هالصيفية. منتزه روعة هالموسم لتهربوا من العجقة على مكان رايق وهادي بالطبيعة، تنبسطوا مع أحبابكن وتقضوا أحلى الأوقات!

كل شي ممكن تحتاجوا لمشوار كامل مكمّل بالطبيعة بتلاقوا عند أرصون فيلدج! نشاطات مميزة للكل، ألعاب ومغامرات متنوعة، قعدات مريحة، مشاوير بالطبيعة، أكل طيب، وقصص كتير حلوة وحماسية. ما بتعتلوا همّ شي، المشروع بيتميز بالخدمة إستثنائية للزباين، كتير بيهتموا بالنضافة وبيركزوا على معايير السلامة.

أرصون فيلدج جاهز يستقبلكن على مختلف الأجواء الحلوة بالنهار وبالليل! بتلاقوا مطعم بالهوا الطلق ومنيو متنوعة من الأكل الطيب، وكمان بوفيهات لمناسباتكن الخاصة أو جمعات الشغل. وحتى فيكن تحضروا أكلكن الخاص، بتعملوا مشاوي مع العيلة أو بتنبسطوا ب Picnic غير شكل بالطبيعة مع الأصحاب.

أرصون فيلدج بيقدم نشاطات حماسية بتناسب كل الأعمار مع أولوية لكل معايير السلامة. لمحبي المغامرة والحماس، بتلاقوا نشاطات مميزة لتعملوا أجمل الذكريات وملاعب كبيرة للولاد يسرحوا ويمرحوا على راحتن. فيكن تجربوا ألعاب التسلق على الشجر، وألعاب الحبل متل ال Free fall أو تجربوا ال Zipline ، وقصص كتير بتتعلموها بدورات مع مدربين محترفين بالمنطقة.

إذا انتو من عشاق تجربة التخييم بقلب الطبيعة، أرصون فيلدج بيقدم كامب لتعيشوا التجربة على أصولها. والحلو انو بتلاقوا بيوت شجرة، و خيم خشبية لقعدة مريحة بقلب الطبيعة، و كمان Bungalows مع مطبخ زغير وحمام وقعدة رايقة بالهوا الطلق. ومش بس فيكن تخيّموا لطلوع الضو! فيكن تكتشفوا دروب المشي و تمارسوا رياضة ال hiking بوحدة من أجمل الجواهر المخفية بلبنان.

أرصون فيلدج مقصدكن المميز بالمتن! مكان للمغامرة والحماس، والرواق والراحة بحضن الطبيعة، الذكريات الحلوة مع العيلة و الأصحاب، ووقت غير شكل هالصيفية! شو ناطرين؟

للمزيد من المعلومات أو الحجز، اتصلوا على 111 228 71 – 111 226 71 ، أو زوروا الرابط هون.

شوفوا كمان، خبرية حلوة: موجة جديدة من المطاعم المشهورة رح تفتح بالمطار