مطعم زهردة: لقمة طيبة وسهرات رح تضوي غابة صنوبر بكاسين

مشوارنا اليوم كتير مميز بقلب جزين! قررنا بهل شوب نطلع على هالمنطقة ونخبركن عن جوهرة جديدة مخباية بأحضان الطبيعة. مطعم زهردة مكان مميز هالصيفية للقمة طيبة وسهرة حلوة بغابة صنوبر بكاسين.

مطعم زهردة مخبى بين شجر الصنوبر بأحضان بكاسين، قعدتو مخباية عن العالم وبتتميز بالرواق ونسمات الهوا الحلوة والمناظر الخلابة للغابة. مكان مميز إذا عن تفتشوا على قعدة بقلب الطبيعة لتنسوا حالكن وتروقوا راسكن.

هالمطعم مزين بالورد الأحمر والألوان المفرفحة، الأضوية الخافتة بين شجر الصنوبر، وقعدات الخشب المهضومة لتقضوا أحلى الأوقات مع أحبابكن تحت الشجر وأحلى السهرات اللي رح تضوي بكاسين ليالي وليالي.

بتلاقوا عند مطعم زهردة منيو أكل عالمي طيب ومتنوع، بتلاقوا كل شي من أطباق البرغر والباستا والقريدس وحتى السوشي، وكمان المسخن والصاج، وسلطات طيبة وفريش. كمان عندن بار بيقدم مشروبات طيبة ومعمولة بخلطات طبيعية لسهرة حلوة بالغابة على دقات الموسيقى لايف.

شو ناطرين؟ أحلى ليالي تموز عند مطعم زهردة! للحجز أو المزيد من المعلومات، اتصلوا على 382 184 76.

شوفوا كمان، مطعم المملكة: قعدة خيالية جنب نهر الباروك وطواحين الميّ