فيلا Ito’s Crib : مسبح طبيعي وتراس فوق وادي تنورين

اليوم رح ناخدكن على مطرح من الأحلام لنقضي كم يوم غير شكل. إطلعنا على منطقة تنورين المعروفة بطبيعتها الخلابة ووديانها العميقة، ووصلنا على فيلا ساحرة الجمال. تعرفوا على Ito’s Crib، فيلا بمنطقة تنورين فيها مسبح طبيعي وجنينات روعة.

فيلا Ito’s Crib مخباية بتنورين التحتا، مطرح مميز للعيلات أو الجمعات الكبيرة مع الأصحاب. فيها 5 أوض نوم و3 sofa beds وبتستقبل لحد الـ 13 شخص. بتلاقوا أوض قعدة شرحة، مطبخ كبير، جنينات واسعة، مطرح للشوي، وقصص كتير حلوة. بتتيمز الفيلا بالموديل الكلاسيكي والقديم، القعدة الأصيلة، والجو الرايق.فيلا Ito’s Crib بتطل على وادي تنورين، بتقدروا تتفرجوا على المناظر الطبيعية من الجنينة أو من التراسات الحلوة.

اللي بيميز فيلا Ito’s Crib انو فيها مسبح طبيعي محفور بالصخر ومجرى ميّ صافية. بتسبحوا تحت فيّ الشجر وعلى صوت الميّ الجارية، قعدة من الأحلام!

بتقضوا أحلى عطلة بهل فيلا، في مراجيح جنب المسبح، قعدات بالطبيعة والهوا الطلق، ومنظر لغروب الشمس من الوادي ساحر الجمال.

للمزيد من المعلومات، اتصلوا على 559 884 03.

شوفوا كمان، بيت غروب البترون…أجواء إستوائية ومنظر البحر