٥ أماكن لطيفة لضهرة مع الأصحاب ببيروت

بدكن القعدة تكون مهضومة وروعة بقلب بيروت؟ تعوا لنعرفكن عمحلاتنا المفضلة.

١. ثريا، الجميزة

عندو أجمل جنينة وقعدة قش، هون فيكن تدوقوا أطيب السلطات والعصير مع أصحابكن إنتو وعم تتبادلوا الأحاديث والأخبار. الأكل بشهي والجو مريح كفاية ليبعدكن عن التوتر.

الرقم: 966 990 81

٢. كوزمو كافي، زيتونة باي

هيدا المحل عندو قعدة صيفية على البحر رح تخليكن تدللوا نفسكن. أكيد لازم تدوقوا الحلويات والساندويشات لتكون تجربتكن مثالية.

الرقم: 332 177 03

٣. فومبار بلازا Fumebarplaza، الرملة البيضاء

قعدة تراس مع ورود، هون فيكن تتأكدوا إنو اللقاء رح يكون شرح ومريح. هل مطعم بحضر ترويقة بوفي عالطريقة الكلاسيكية مع المكونات الطازة والطبيعية.

الرقم: 126 888 70

٤. شبابيك، السوديكو

مع أكل طيب وكوكتيل منعش، هل قهوة هيي المكان المثالي لشوية هدوء و راحة بال. على التراس رح تلاقوا بركة، شبابيك ملونة وأضوية خافتة، تأملوا فيهن وتبادلوا الضحكات والأكلات مع أصحابكن.

الرقم: 880 332 01

٥. باي روك، الروشة

لأن ما في شي بيجمع شخصين قد مشاركة الأكل حد البحر. زوروهن أي وقت من اليوم واستمتعوا بقعدة حد صخرة الروشة وبحلواياتهن الخيالية مع أصحابكن حدكن.

الرقم: 700 796 01

شوفوا كمان، لأول مرة بلبنان:حمام تلج بقلب البحر.