لوكاندا كورسيني: مطعم إيطالي بتراس رومانسي ببكفيا

عبالكن سهرة رومانسية تحت ضو القمر؟ اليوم رح ناخدكن على مطعم مميز بمنطقة بكفيا الجبلية. مطعم لوكاندا كورسيني مطعم إيطالي عندو تراس رومانسي من الأحلام.

مطعم لوكاندا كورسيني مخبى بين شجر الصنوبر والورد الأحمر، جوهرة مخباية بقلب بكفيا لكل محبي الأجواء الرومانسية والأطباق الإيطالية. لوكاندا كورسيني قاعد بقلب بيت لبنانية تراثي، بيتميز هالمطعم بقناطر عالية وقعدة مليانة نبات معلّق وأضوية خافتة. القعدة ساحرة الجمال بالنهار بتحسوا بالهوا البرود خصوصي هالصيفية، وبالليل بتنبسطوا بأجواء غرامية من الأحلام على كاس نبيد وضو النجوم وموسيقى إيطالية.

المطعم بياخدكن على روما بالأكل الطيب من جهة، وعلى الزمن الجميل بالقعدة القديمة من جهة تانية، من أجمل المطارح لتجربوا عشا رومانسي مع الشريك هالصيفية!

مطعم لوكاندا كورسيني بيقدم أطباق طليانية معمولة بطريقة تقليدية وبيتوتية بكل حب. بتجربوا خبز البروشكيتا الإيطالي طازة ومقرمش، الباستا على أنواعها مع أشهى المكونات، السلطات الإيطالية، وأكيد البوظة الطليانية الأصيلة. وكمان بيقدموا مشروب مميز لتكمل سفرتكن على الآخر.

للمزيد من المعلومات، اتصلوا على 143 263 81

شوفوا كمان، تراس نيكولا: بيتزا بيوتية وقعدة رومانسية خيالية بقلب برومانا