لأول مرة بلبنان:حمام تلج بقلب البحر

كتير منحب لما نشوف في نشاطات وتجارب جديدة عم تفتح بلبنان!

أطلق فريق Polarice تجربة جديدة بالبترون كتير عالم رح بحبوها، ويلي هيي حمام تلج بنص البحر بقلب شط Blubay بالبترون.

مشوبين كتير والشمس كتير قوية ومش عارفين كيف بدكن تبوردوا؟ ما إلكن غير إنو تكبوا حالكن بقلب حمام التلج وتبوردوا على الآخر تحت اشعة الشمس.

هل نشاط المهضوم عندو كتير فوايد، بشد البشرة، بفعل الدورة الدموية، بزيد نسبة حرق الدهون وبطلع كل التوتر والوجع من الجسم وبريح الأعصاب والعضل.

أحلى شي بالموضوع إنو رح تشعروا بالشوب والسقعة بنفس الوقت، شعور غريب ومنعش على الآخر.

هيدا المشروع مناسب لكل يلي بحبوا البحر والتلج، أو لكل حدا عبالو يجرب شي خارج عن المألوف ليغير جو شوي.

جمعوا أصحابكن، لبسوا المايوهات، وجيبوا معكن الكامرات لأن هل تجربة للتاريخ!

للمزيد من المعلومات اتصلوا على 944 149 76

شوفوا كمان، أسعار الدخولية على ٧ من أشهر المسابح بجونية.