لقينالكن ٣ مطاعم روعة بمدينة بعلبك

ما بتكمل الصيفية من دون مشوار على بعلبك مدينة الشمس والحضارة والتراث، وكمان ما بيكمل المشوار من دون الأكل الطيب ومطاعم مميزة. كرمال هيك، إطلعنا على بعلبك، ولقينالكن 3 مطاعم روعة تجربوها بمدينة بعلبك.

1. مطعم قصر بعلبك

مطعم قصر بعلبك بيجمع بين الأصالة والتراث البعلبكي بقلب قصر بيشبه المتحف، يعني بتقعدوا عندن قعدة ملوك!

قعدة المطعم موديل قديم من الحجر، سفرتو مليانة ألوان وأنواع من الأطباق اللبنانية من مشاوي وشاورما ولحمة نية وتبولة، وبتجربوا عندو أطباق بعلبكية أصيلة متل الصفيحة على أصولها.

الرقم: 666 377 08

2. مطعم سما بعلبك

مطعم سما بعلبك عبارة عن مطعم لبناني قاعد بجنبنة ورد ساحرة الجمال وعندو جلسة غير شكل بالهوا الطلق.

بتجربوا أطيب الأطباق اللبنانية على سفرة كريمة وعلى صوت نافورة الميّ. مطعم كتير مناسب لجو العيلة والجمعات الكبيرة.

الرقم: 007 004 76

3. مطعم كلاسيك فود

قعدة التراس عند مطعم كلاسيك فود غير شكل! قعدة بعلبكية أصيلة بجو تقليدي مميز برجعكن على الزمن الجميل. هالمطعم بيقدم أطباق عالمية من برغر وبيتزا وسندويشات دجاج ولحمة على أنواعها.

الرقم: 978 900 70

خبرونا، بتجربوا هل مطاعم ؟

شوفوا كمان،٥ مطارح ساحرة لتقضوا ليلة مميزة بالبقاع